2022 йил Самарқанд давлат университети Италиянинг Болонья университети билан ҳамкорлик меморандумини имзолаган эди. Унга кўра СамДУ Агробиотехнологиялар ва озиқ-овқат хавфсизлиги институти талабалари Болонья университетининг аниқ координатали ва барқарор қишлоқ хўжалиги ҳамда боғдорчилик илмлари йўналишларида магистратура босқичини давом эттиришлари режалаштирилган.
Ҳамкорлик шартномасига биноан Агробиотехнологиялар ва озиқ-овқат хавфсизлиги институтининг жорий йилдаги битирувчилари Диёр Мусурмонов, Сардор Ахатов, Фахриддин Атавуллаевлар Болонья университетининг магистратура босқичида ўқишини давом эттиради.
Маълумот учун, Болонья университети дунёнинг топ-100 ликдан ўрин олган. Самарқанд давлат университети тарихида ушбу битирувчилари Болония университетида ўқишини давом эттирадиган илк магистрант сифатида эътироф этилмоқда.
Самарқанд давлат университети
Ахборот хизмати.
