Навоий вилояти ҳокими сайёр қабул ўтказди

Навоий вилояти ҳокими сайёр қабул ўтказди
Навоий вилояти ҳокими Қобул Турсунов “Қизилқумцемент” АЖ соғломлаштириш масканида фуқаролар билан навбатдаги сайёр қабулини ўтказди.

Вилоят Халқ қабулхонаси раҳбари Ф.Қувондиқов, туман ва шаҳар сектор раҳбарлари, вилоят корхона, ташкилот, муассаса ва ҳуқуқни муҳофаза қилувчи органлар раҳбарлари иштирок этган саёр қабулда аҳолининг мурожаатлари атрофлича ўрганиб чиқилди.
Аслида ҳам Давлатимиз раҳбари томонидан амалга оширилаётган барча ислоҳотлар замирида халқимизнинг турмуш фаровонлигини яхшилаш, одамларимизнинг бахтли яшашини таъминлашдек эзгу мақсадлар мужассам.

Зеро, халқ билан мулоқот қилиш, уларнинг муаммоларини ўрганиш, ижобий ҳал этиш устувор масала сифатида илгари сурилгани халқимизнинг давлатдан, жамиятдан рози бўлиб бўлишида муҳим омил бўлмоқда.

Айни пайтда “Инсон манфаатлари ҳар нарсадан улуғ”, “Халқ давлат идораларига эмас, давлат идоралари халқимизга хизмат қилиши керак”, “Халқ бой бўлса, давлат ҳам бой ва қудратли бўлади”, деган шиорлар ҳаётимиз мазмунига айланиб улгурди.

— Инсон манфаатларини ҳимоя қилиш учун раҳбарлар халқ билан мулоқот қилиши, фуқароларнинг дарду ташвишлари, орзу ниятлари, ҳаётий муаммо ва эҳтиёжларини яхши билиши кераклигини даврнинг ўзи таъқозо этмоқда, — дейди вилоят ҳокимлиги Жисмоний ва юридик шахсларнинг мурожаатлари билан ишлаш бўйича масъул ходими Қ.Абдуазизов. — Айниқса, сўнгги уч йил, барчамизнинг ҳаётимизга, хусусан мамлакатимиз тарихига янги давр нафасини олиб кирди. Бугунги сайёр қабулда ҳам ҳар бир мурожаат атрофлича таҳлил этилиб, аксарияти жойида ҳал этилди. Қабул давомида фуқаролардан 48 та мурожаат тушган бўлса, уларнинг 14 таси жойида ижобий ечим топди. 9 та мурожаатга ҳуқуқий тушунтириш берилди ва 25 та мурожаат юзасидан ўрганиш талаб этилганлиги сабабли кўриб чиқиш жараёнига қабул қилинди.

Кармана тумани марказида истиқомат қиладиган Фароғат Йўлдошева ўз мурожаати орқали фарзанди бир неча йиллардан буён ишсизлигини баён этиб, унинг бандлигини таъминлаш мақсадида “Навоийдонмаҳсулотлари” АЖнинг шаҳобчасини очишда амалий ёрдам сўради. Фуқаронинг ушбу мурожаати шу куннинг ўзида “Навоийдонмаҳсулотлари” АЖ раҳбарияти томонидан ҳал этиб бериладиган бўлди.

— Мен бугунги сайёр қабулда эгизагим Зуҳра Ҳамидованинг суяк емирилиши касаллигига чалинганлиги, бунинг оқибатида у ногирон ҳамда ётоқда бўлиб қолганлигини айтиб, даволаниш масаласида ёрдам сўраб мурожаат этдим. Шунингдек, ўзимнинг ҳам бир оёғимда суяк емирилиши касаллиги кузатилаётганлигини билдириб ўтдим, — дейди Хатирчи тумани “Олтинсой” маҳалла фуқаролар йиғинида истиқомат қиладиган фуқаро Фотима Ҳамидова. — Вилоят ҳокими ва тадбиркорлар томонидан бизнинг даволанишимиз учун зарур бўлган 38 миллион сўм маблағ ҳомийлик асосида ажратиб бериладиган бўлди. Бундан кўнглим тоғдек кўтарилди. Мурожа-атимиз ижобий ҳал этилганидан хурсандмиз.

Саховатпеша халқмиз. Айниқса, бу эзгу амаллар муқаддас Рамазон ойида янада кенг қулоч ёзади. Сайёр қабулда тадбиркор, “Кармана томорқа хизмати-2” масъулияти чекланган жамияти раҳбари Самад Аҳмедов кам таъминланган оилаларнинг оилавий шароитини яхшилаш мақсадида 30 дона тикув машинаси текинга ажратишини маълум қилди. Айни пайтда Халқ қабулхонасига бу борада мурожаат қилган кам таъминланган оилалар рўйхати шакллантирилмоқда.

Шунингдек, саховатпеша тадбиркор Азиз Сувонов томонидан сайёр қабулда молиявий ёрдам сўраб мурожаат этган Кармана тумани “Кумушкон” маҳалла фуқаролар йиғинида истиқомат қилаётган, оилавий аҳволи оғир Жамила Сафаровага бир дона наслли қора мол беғараз берилди.
Сайёр қабул доирасида меҳнат ярмаркаси, “Ҳар бир оила тадбиркор” дастури ижроси юзасидан тижорат банклари томонидан банк имтиёзлари хусусидаги кўргазмалар намойиши ва имтиёзли кредитлар таклифи фуқа-ролар учун янада қулай имконият яратди.

Мамлакатимизда амалга оширилаётган мулоқотнинг бундай бетакрор тизими халқимиз турмуш даражасини юксалтиришга қаратилганлиги билан янада аҳамиятлидир.

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Сиёсат » Навоий вилояти ҳокими сайёр қабул ўтказди