Саида Мирзиёева мактабларда аҳолини қийнаётган муаммоларни санаб ўтди

16-05-2019, 14:26
Сиёсат
Саида Мирзиёева мактабларда аҳолини қийнаётган муаммоларни санаб ўтди
Ахборот ва оммавий коммуникациялар агентлиги директори ўринбосари Саида Мирзиёева мактаблар фаолиятида аҳолини асосан қайси муаммолар қийнаётганини санаб ўтди. Ушбу мавзуга бағишлаб директор ўринобосарининг фейсбукдаги саҳифасида пост қолдирилди.

Барчага хайрли кун!

Бугун сиз билан мулоқотимнинг илк якунларини сарҳисоб қилмоқчиман. Аввалги постда ёш авлодни миллий қадриятлар ва инсонпарварлик руҳида баркамол этиб тарбиялаш бўйича Президентимиз томонидан илгари сурилган 5 ташаббусни амалга оширишда мактабларнинг ўрнини муҳокама қилдик.

Билдирилган изоҳларга кўра, сизни энг кўп ташвишга солаётган муаммолар қуйидагилар:

1. Қишлоқлардаги мактабларнинг аҳволи қониқарсизлиги

2. Ўқувчилар ва ўқитувчиларнинг мажбурий меҳнатга жалб этилиши

3. Малакали ўқитувчилар етарли эмаслиги ва уларнинг ҳисобот тўлдириш билан овора экани

4. Ҳар бир боланинг индивидуал иқтидорини ривожлантирувчи фанларнинг етарли эмаслиги

5. Компьютер синфлари ва интернет билан боғлиқ муаммолар

Дарсларда уяли телефонлардан фойдаланиш, мактаб кийими, ўқувчиларнинг ҳуқуқий саводхонлиги ва бепул футбол майдонларига оид масалалар ҳам тилга олинди.

Энг долзарб масалаларни аниқлашда берган ёрдамингиз учун барчангизга катта раҳмат. Тегишли вазирликлар ушбу вазифаларни ҳал этишни бошлаган. Шу ўринда, жамият учун муҳим бўлган бундай масалалар ечимини топиш маълум вақт, ресурслар, экспертлар муҳокамаси, зарур ҳужжатлар тайёрлаш ва албатта ҳар биримиздан тиришқоқлик ва бироз ташаббус талаб этишини таъкидламоқчиман, - деб ёзади С. Мирзиёева.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Санжар 16 май 2019 15:44
Хусусан туман хокимчалари шунаканги мактаб ва укитувчилар фаолиятига аралашадики,туман халк таълими рахбарлари улар учун бир тийин.Хохласа мактабни каткалокка,хохласа ипак курти парваришига,хохласа туманга келадиган артистчаларни чиптасини сотиб берадиган дастёрларга...Улар фаолиятини ким назорат килади,тушунмаймиз.

МУНОСАБАТ БИЛДИРИШ

Сўнгги янгиликлар

Абдулла Арипов коронавирус масаласи бўйича йиғилиш ўтказди

Бош вазир Абдулла Арипов коронавируснинг олдини олиш бўйича йиғилиш ўтказди. Чегараларда санитар-карантин пунктлари...
Бугун, 16:28

Фарғонада ҳамширани дўппослаган она ва бола аввал ҳам шифокорларга тажовуз қилгани маълум бўлди

Фарғонада шифокор ва унга бириктирилган ҳамшира калтакланди. Бу ҳақда EVERYDAY.UZ мухбири хабар қилди. Маълум бўлишича...
Бугун, 14:50

Қашқадарёда мактаб директори пора билан ушланди. ХТБ мудири эса директорлардан ватанпарвар бўлишни сўради

Қашқадарё вилоятининг Косон туманида мактаб директори пора билан қўлга олинди. Бу ҳақда EVERYDAY.UZ мухбири хабар...
Бугун, 12:06

Жиззахлик йигит 19 ёшли қиздан "шантаж" йўли билан 10 минг доллар талаб қилди

Жиззахда ўсмир йигит товламачилик қилди. Бу ҳақда EVERYDAY.UZ мухбири хабар қилди. Маълум бўлишича Жиззахнинг Шароф...
Кеча, 19:37

Тожикистон Ўзбекистондан газ импортини уч бараварга оширмоқчи

Тожикистон республикаси шу йили ўзбек газини ипорт қилишни уч бараварга оширмоқчи. Бу ҳақда EVERYDAY.UZ мухбири хабар...
Кеча, 12:23