Хабар қилганимиздек Тошкент вилояти ҳокимлигида Президент Шавкат Мирзиёев раислигида видеоселектор йиғилиши бўлиб ўтмоқда. Йиғилишда Президентимиз Суриядан қайтган 156 нафар ўзбекистонликлар ҳақида гапирди.
- Кеча Суриядан келган 15 яшар қиз она бўлган. Қани унинг отаси? Қизнинг ота-онаси қаерда? - дея савол билан мурожаат қилди Президент. - Бирорта нуроний йўқ! Аччиқ-аччиқ гап айтинглар. Уларни Ватанга обкелишнинг ўзи бўлгани йўқ. Фақат қарсак, қарсак, ура-ура. Бирорта шоир чиқмади: Уйғонайлик энди, деб.
- Уят бўлса ҳам айтиш керак, - деб сўзини давом эттирди Президент. 156 нафар Сурияга кетганлар нима учун кетган? Кимни излаб кетган? Тан олиш керак, биз уларга шароит яратиб бермаганимиз учун кетган! Мен конституцияга кўра, уларга чора кўришим керак аслида. Лекин, мен ундай қилмайман. Чунки, улар ўзбек, бизнинг Ватандошларимиз!Уларни Ватанга олиб келиш азоб бўлди. Жуда оғир бўлди. Биз ҳаммамиз бу ҳолатни чуқур ўйлашимиз керак.
Йиғилиш давом этмоқда.
