Шавкат Мирзиёев: Энди ҳар бир имом ўзининг ҳудудидаги мўмин-мусулмоннинг яхшисигаям, ёмонигаям жавоб беради

31-08-2019, 23:28
Сиёсат
Шавкат Мирзиёев: Энди ҳар бир имом ўзининг ҳудудидаги мўмин-мусулмоннинг яхшисигаям, ёмонигаям жавоб беради
Ўзбекистон Республикаси президенти Шавкат Мирзиёев 31 август куни «Шаҳидлар хотираси» хиёбонига ташриф буюриб, қатағон қурбонларини ёд этиш маросимида қатнашди.

Давлат раҳбари юртимизда фидойи ва ватанпарвар боболаримизнинг ҳаёти ва меросини ўрганиш, хотирасини абадийлаштиришга катта эътибор қаратилаётгани қайд этди. Мамлакатдаги тинчлик, эркинлик ва тўкинликнинг қадрига етиш, ватан мустақиллиги учун курашган шаҳидлар ҳаётини ёшларга ўрнак қилиб кўрсатиш лозимлигини таъкидлади.

«Тинчликнинг қадрига етишимиз керак. Таҳликали дунёда вазият кун сайин эмас, соат сайин ўзгаряпти. Мана шундай оғир шароитда яшаяпмиз. Мустақиллигимиз учун курашган, машаққат кўрган, ёруғ кунларга интилган, шу йўлда адолатсиз қурбон бўлганлар, шаҳид бўлганларнинг ҳаётини ёшларга ҳар куни юз марта тушунтиришимиз керак. Масжидларда, жума намозларида дуо-фотиҳа қилиб, ваъзлар билан, оғирлик, вазминлик билан, ҳаёт билан ҳамнафас тарзда, амалий нарсаларни айтиб, халқимизни, мўмин-мусулмонларни тинчликни қадрлашга даъват қилсак, яхши натижа бўлади», - деди Шавкат Мирзиёев.

Юртбошимиз мамлакатимизда уламоларнинг, имомларнинг ёш авлодни тарбиялаш, тўғри йўлга чақиришдаги долзарб вазифаларини кўрсатиб берди.

«Тизим қиляпмиз, у бағрикенглик, маърифат ва маданият билан адашганларни тўғри йўлга солишни кўзда тутади. Имомларни ўқитиш тизимини ҳам ўзгартирамиз. Энди ҳар бир имом ўзининг ҳудудидаги мўмин-мусулмоннинг яхшисигаям, ёмонигаям жавоб беради. Имомлар оддий тил билан одамларга Исломнинг жамиятдаги ўрнини етказиши, тушунтириши керак. Энди масжидларда мўминларга динни худди биринчи синф боласига алифбодан сабоқ бергандек ўргатамиз. Мусулмон одам аввало оиласи, фарзандига тинчлик, омонлик тилайди. Бу билан ўзи яшайдиган юртга, ватанга тинчлик тилайди. Имомлар ўзи яшайдиган ҳудудда одамларга ўргатиши, таълим бериши, тўғри йўлга солиши керак», – деди Шавкат Мирзиёев.

Шунингдек, давлатимиз раҳбари маърифат тарқатиш йўлида одамлар ҳам қараб турмаслиги лозимлигини, ҳамма бир ёқадан бош чиқариб ҳаракат қилиши лозимлигини таъкидлади.

«Биз ҳадислар мактабига асос солдик, Ислом цивилизация марказини барпо қилдик, «Мир Араб» мадрасасини олийгоҳ қилдик. Ҳар йили Ҳаж харажатларини 30 фоизга арзон қиляпмиз. Одамлар Ҳаждан нур олиб келсин, шукроналик туйғусини олиб келсин. Ҳаждан келган ҳар бир одам ўз қўшнисини маърифатга, эътиқодга инонтира олса, шундагина ватанимиз, жамиятимиз ўнгланиб бораверади.

Яқинда Абдулла Қодирий бобомизнинг мактабини очяпмиз. Нимага? Ана шундай ватанпарвар, ҳақиқатпарвар одамларимизнинг ҳаётини ёшлар ўрганиши, улардан ўрнак олиши учун. Зулм бўлсаям улар «элим, халқим» деб жонини берган. Ота-боболаримиз Ўзбекистоннинг мустақиллиги учун курашган. Биз ўзимизнинг тинчлигимизни сақлаш учун жипс бўлиб, бир ёқадан бош чиқариб ҳаракат қилсак тўғри бўлади», - деди Шавкат Мирзиёев.

ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Ikrom Yodgarov 1 сентябр 2019 23:11
Albatta hamfikr yelkadosh bo‘lib harakat qilsak barcha maqsadlarimizga erishish oson kechadi...

МУНОСАБАТ БИЛДИРИШ

Сўнгги янгиликлар

Ботир Парпиев янги лавозимга тайинланди

ДСҚнинг собиқ раҳбари Ботир Парпиев янги лавозимга тайинланди. У янги ташкил этилган маҳалла ва оилани қўллаб-қувватлаш...
Бугун, 17:20

ИИВ вазири ўринбосари яна бир вазирга ўринбосар бўлди

Ички ишлар вазирининг жамоат тартибини сақлаш бўйича ўринбосари Азизбек Икромов яна бир вазирга ўринбосар бўлди. Маълум...
Бугун, 17:10

Яна бир ташкилот раҳбари ходимини прописка қилиш учун илтимоснома кирита оладиган бўлди

Ўзбекистонда яна бир ташкилот раҳбари ходимини прописка қилиш учун илтимоснома кирита оладиган бўлди. 2020 йил 17...
Бугун, 16:13

Маҳмуд Муродов ва чехиялик машҳур хонанда фарзанд кутишмоқда

Ўзбекистонлик ММА жангчиси Маҳмуд Муродов ва чехиялик машҳур хонанда Моника Багарова фарзанд кутишмоқда. Хонанда...
Бугун, 16:01

Ўзбекистоннинг туманларида электр энергия нархини 30-40 фоизга арзонлаштириш таклиф қилинди

Ўзбекистонда туманларда газ йўқлиги сабабли қиш фаслида электр энергия нархини 30-40 фоизга арзонроқ қилиш таклиф...
Бугун, 15:42
/ Муҳокамалар +1