Ислом Каримов Собиқ Иттифоқ мудофаа вазирини қандай мот қилган эди?

2-09-2019, 12:29
Сиёсат
Ислом Каримов Собиқ Иттифоқ мудофаа вазирини қандай мот қилган эди?
Бугун 2 сентябрь, Ўзбекистон Республикасининг Биринчи Президенти Ислом Абдуғаниевич Каримовни хотирлаш кунидир.

Ўзбекистон Республикаси биринчи мудофаа ишлари вазири Рустам Аҳмедов хотираларидан:

«Ислом Каримовнинг 1991 йил 6 сентябрдаги фармони билан Ўзбекистон Республикаси Мудофаа ишлари вазирлиги тузилди. Бу янгиликни «ҳазм қила олмаган» Кремль Ўзбекистон раҳбариятига тазйиқ ўтказишни бошлайди. СССР мудофаа вазири ғайриодатий туюлган бу ҳолдан хавотирга тушиб, Ислом Каримовга телефон қилган пайтда янги тайинланган Рустам Аҳмедов Президент ҳузурида бўлган. СССР мудофаа вазири ғазаб билан: «Ислом Абдуғаниевич, биз билан маслаҳатлашмай Мудофаа ишлари вазирлиги жорий қилибсиз, вазир тайинлабсиз. Ўзингизни мустақил деб эълон қилган бўлсангизда ҳали СССР деган қудратли давлат мавжуд. Буни ўзингиз ҳам яхши биласиз. Ҳатто Украина ҳам Морозовни республика мудофаа вазири этиб тайинлаётганда биздан рухсат олган эди», деб пўписа қилади. «Умуман, Сизга армиянинг нима ҳожати бор, ҳарбий комиссарият нимага керак? Ахир СССР Мудофаа вазирлигининг қудратли Туркистон ҳарбий округи Ўзбекистонда бўлса!», дейди.

Ислом Каримов эса шундай жавоб беради: «Биринчидан, республика Мудофаа ишлари вазирлигининг жорий қилиниши ва вазирнинг тайинланиши — ҳуқуқий жиҳатдан ҳам, сиёсий жиҳатдан ҳам ҳал қилинган масала. Иккинчидан, бу масалада Сиз билан келишишни асоссиз деб биламан».

Қатъий жавоб олган Иттифоқ вазири анча ҳовуридан тушиб, республика мудофаа ишлари вазири билан кейинги ҳамкорлик учун танишмоқчи эканини айтади.

«Модомики, Сиз Ўзбекистон Республикасининг Мудофаа вазири билан ҳамкорлик қилиш мақсадида танишишни истасангиз, мен уни Москвага юбораман, танишиб оласизлар», дейди Ислом Каримов.

СССР мудофаа вазири билан суҳбатни тугатгач, Президент Аҳмедовга қарата: «Сен мустақил республика Мудофаа вазири сифатида Москвага борасан. Лекин у ерга фуқароча кийиниб боргин. Негаки, сен полковниксан, у эса маршал. Ҳарбий кийимдаги погонларинг Иттифоқ мудофаа вазири билан мустақил давлатнинг Мудофаа ишлари вазири сифатида тенгма-тенг гаплашишингга йўл қўймайди», дейди.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Йигит онаси ҳамда синглисини калтаклаган эркакдан қасос олиш учун Ўзбекистондан Россияга борди ва қотилга айланди

Ўзбекистонлик 28 ёшли йигит онаси ва синглисини калтаклаган россиялик эркакни ўлдирди. Бу ҳақда эффект.уз Челябинск...
Бугун, 18:03

Андижонда 25 ёшли аёл шаръий никоҳдаги эрини ўлдириб, жасадини ҳожатхонага ташлаб юборди

Андижон шаҳрида мудҳиш жиноят содир бўлди. Бу ҳақда "Дарё" хабар қилди. Маълум бўлишича 1995 йилда туғилган Х.Х. шаръий...
Бугун, 16:31

Сирдарё ҳокими ёнғинда 6 фуқаро ҳалок бўлган туманга борди ва тирик қолган 18 ёшли қизни оталиққа олди

Хабарингиз бор бугун Сирдарёнинг Оқолтин тумани Сардоба шаҳарчаси «Кўркам диёр» маҳалласи «Робот» кўчасида жойлашган...
Бугун, 16:10

Олий суд раиси ўринбосари Ўзбекистондаги "машҳур" жиноятлар ҳақида гапирди

Хабар қилганимиздек Халқаро пресс клубнинг навбатдаги сони бўлиб ўтмоқда. Унда Ўзбекистон Республикаси Олий суди раиси...
Бугун, 15:08
/ Муҳокамалар +1

ИИВ вазири ўринбосари: Эндиликда прописка сўзи амалдан чиқарилиб, ўрнига "қайд этиш" сўз бирикмаси ишлатилади

Бугун, 17 февраль куни Халқаро пресс-клубнинг "Давлат дастури лойиҳасининг давлат ва жамият қурилиши тизимини...
Бугун, 14:55
/ Муҳокамалар +2