Акмал Саидов: Раҳбарларнинг ўзи Конституцияни яхшилаб ўқиб олиши керак (видео)

9-09-2019, 10:15
Сиёсат
Акмал Саидов: Раҳбарларнинг ўзи Конституцияни яхшилаб ўқиб олиши керак (видео)
Жорий йилнинг 6 сентябрь куни Ўзбекистон Республикаси Олий Мажлисининг навбатдаги ялпи мажлиси бўлиб ўтди. Унда Таълим тўғрисидаги қонун қизғин муҳокамаларга сабаб бўлди.

Хусусан, Олий Мажлис Қонунчилик палатаси депутати – Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитасининг раиси, Инсон ҳуқуқлари бўйича Ўзбекистон Республикаси Миллий маркази директори Акмал Саидов Тошкентдаги мактабларда пуллик қабулни жорий қилиш тўғрисидаги қарор сабаб Халқ таълими вазирини кескин танқид қилди.

“Ижтимоий тармоқларга қарасангиз кун йўқки, таълим у ёки бу ҳолатдан муҳокама қилинмасин. 3-4 ой олдин мактабларни ҳам пуллик қилмоқчи бўлишди. Яна (таҳр. қарор) у ёққа бориб, бу ёққа келди. Вазир жаноблари (Шерзод Шерматов) Конституциянинг 41-моддасини ўқиши керак. Тошкентдаги 81 та мактабда 10 млн сўмдан пул олиб ўқитамиз деб, Вазирлар Маҳкамасининг қарорини қабул қилишди. Одамлар навбатда турганди. Бир марта гапиргандим, бекор қилишди. Конституция деган нарса бор. Ўйлашимча, биринчи раҳбарларнинг ўзи Конституцияни яхшилаб ўқиб олиши керак. Таълимдаги пуллик ва бепул масаласи ҳамон очиқ турибди. Бу жудаям катта масала”, деди Акмал Саидов.

Депутат сўзида давом этиб, Ўзбекистонда таълим соҳасида “илдиз отиб кўкарган” коррупция масаласига тўхталиб ўтди.

“Ҳозирги кунда ижтимоий тармоқда энг кўп муҳокамалар олий таълимда контракт учун тўланадиган пулнинг миқдори тўғрисида кетяпти. Бизда энг катта муаммо афсуски, таълим тизимимизда коррупциявий онгни шакллантирдик. Боғчадан бошлаб... Боғчадаги болангизнинг тарбиячисига туғилган куни, янги йил, 8 мартда совға қилмасангиз, айтади, анави бундай совға қилибди, деб. Бу нима деган гап?! Кейин мактабда, олий таълимда бошланади”, дейди депутат.

Олий Мажлис ялпи мажлисида Акмал Саидовдан бошқа депутатлар ҳам тўлов-контракт масаласида ўз эътирозларини билдирган. Улар контракт суммалари қайта кўриб чиқилишини таклиф қилди.

ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Хамид Нукус 9 сентябр 2019 10:42
тугри! не только таълим Конституцияга зид идораларни тугатиш керак деб уйлайман!
масалан; халк кабулхонаси, мажбурий ижро ва вахокоза идоралар...
Умиджон 9 сентябр 2019 12:21
Яхши фикрлар, булган. Дархакикат контртакт масаласи кайта куриб чикилиши шарт, нима учун иш хакки 10%ошиб контракт суммаси 20% ошиши керак, стипендия олиш ёки олмасликни кулайлик килиб бердик деб бу томонидан ботириб олиш шарт эмас,

Яхшиси халкка яхшилик килманглар, шу уринда ёмонлик хам, бир яхшилик кетидан икки, уч баровар ёмонликни келтиряпсизлар.
Улугбек 9 сентябр 2019 14:12
Акмал Саидов каби фикрлаганда эди хамма рахбарлар,яна кайтариб айтаман хамма хамма рахбарлар.юкори ташкилоти томонидан куйилган рахбар борми,халк томонидан сайлаб куйилган коттокон рахбарлар борми хаммаси Акмал Саидов каби фикрлаганда эди мана шу муоммолар пайдо булмас эди.
Реалист 9 сентябр 2019 18:42
Ҳа,чиройлик гаплар,бошқа одам айтганда ўрнимдан туриб чапак чалардим,лекин Акмал Саидовга эмас,чунки у 2013-йилда кечириб бўлмас гуноҳ қилган...
Ulugbek 9 сентябр 2019 21:48
Zor boladi kantraktlarni qayta korib chiqishsa.Shu o'rinda stependiyani joyiga qoyib qoyishsa alo darajadagi ish boladi.Yoki stependiya ham berishmasin kantrakni ham taalab qilishmasin vassalom
Ali 9 сентябр 2019 22:23
Bu odamni Uzi ham qonunni bilsa edi, rumol milliy kiyim demasdi, bizda milliy kiyim haqida qonun borligini shu odam aytdi
Сардорбек 10 сентябр 2019 14:25
Эътиборга олинмасаям уз фикрини гапириб билаётгани одамни хурсанд килади. Уйлаймизки келажакда Рахбарларимизга гап таъсир киладиган булиб колар.

МУНОСАБАТ БИЛДИРИШ

Сўнгги янгиликлар

"Ўзга сайёралик"лар билан суҳбатлашганини айтган Жуманазар ака вафот этди

"Ўзга сайёралик"лар билан суҳбатлашганини айтган Жуманазар ака вафот этди. Бу ҳақда телеграм каналларда хабарлар...
Бугун, 12:41

“Фақат шу кунларда, бунақа шароитда олиб кетма, деб дуо қилдим” – Юлдуз Усмонова касал бўлгани ҳақида

Хонанда Юлдуз Усмонова унда бронхиал астмаси қўзигани ҳақида айтиб берди. Усмонова иситмаси кўтарилгани ва ўзини ёмон...
Бугун, 12:05

Андижонда 18 ёшли ўсмир севган қизига “гап отган” 30 ёшли эркакни темир билан уриб, ўлдириб қўйди

Андижонда 18 ёшли ўсмир севган қизига “гап отган” 30 ёшли эркакни темир билан уриб ўлдириб, қўйди. Бу ҳақда ҳуқуқ...
Бугун, 11:46

Президентимиз совғаларидан барча миннатдор!

Юртбошимизнинг қутлуғ айём – Қурбон ҳайити байрами куни олдидан ҳеч бир эҳтиёжманд оила эътибордан четда қолмаслиги,...
Бугун, 10:47

Ўзбекистонда коронавирус билан касалланганлар сони ошишда давом этмоқда

Ўзбекистонда коронавирус билан касалланганлар сони ошишда давом этмоқда. Бугун яна 249 кишида коронавирус аниқланиб,...
Бугун, 10:29
/ Муҳокамалар +1