Фарғона вилояти ҳокимлиги: Ҳокимнинг сўзларидан ўзгача маъно излаб, бузиб талқин қилиш ҳоллари рўй бермоқда

Фарғона вилояти ҳокимлиги: Ҳокимнинг сўзларидан ўзгача маъно излаб, бузиб талқин қилиш ҳоллари рўй бермоқда
Фарғона вилоят ҳокимлиги матбуот хизмати шу кунларда BBС ва “Озодлик” радиолари ҳоким Ш.Ғаниевнинг ишчи йиғилишдаги сўзларини тарқатганлиги юзасидан расмий баёнот берди.

Вилоят ҳокимлиги ахборот хизмати шуни маълум қиладики, уларда нотиқнинг сўзларидан ўзгача маъно излаб, бузиб талқин қилиш ҳоллари рўй бермоқда.

Ўзбекистонда бўлгани каби Фарғона вилоятида ҳам улкан ўзгаришлар ва ислоҳотлар амалга оширилмоқда. Фарғона, Қўқон, Марғилон шаҳарлари ҳамда вилоятнинг барча туманлари, чет қишлоқлари янгича қиёфа касб этмоқда. Кўплаб хорижий мамлакатлар компания ва тадбиркорлари вилоятга тўғридан-тўғри киритаётган инвестиция ҳажми кундан кунга ортиб бормоқда. Мамлакат экспорт ҳажмидаги Фарғона вилояти улуши салкам 40 фоизга етиб қолди. Ўнлаб ижтимоий соҳа объектлари қуриб фойдаланишга топширилди. Олий таълим ўқув юртлари эса бештадан ўнтага етди. Бу каби ислоҳотлар туфайли эришилган натижалар ҳақида кўплаб мисоллар келтириш мумкин. Лекин, энг муҳими, халқимиз рўй бераётган ўзгаришларни қўллаб-қувватлаётганлигидир.

Бундай жараён ўз ўзидан рўй бераётгани йўқ. Масалан, Ўзбекистон Республикаси Конституциясига кўра дин давлатдан ажратилган. Давлат, давлат хизматчилари дин ниқобидаги айрим ноқонуний хатти ҳаракатларга бефарқ қараб туролмайди. Шу йилнинг ўзида бир гуруҳ тарғиботчиларнинг “фаолияти” туфайли бир қанча фуқаролар Сурияга йўл олаётган чоғи қайтарилди. Ўрганишлар шуни кўрсатдики, тарғиботчилар диний аҳкомларни пеш қилиб, уларни дастлаб соқол қўйишга ундаганлар. Аҳли аёлларини эса ҳижобга киришга мажбурлаганлар. Улар Сурия жанггоҳларидан нимани кўзлаганди? Бу ерда ёлғиз қолган фарзандлари келгусида қайси йўлни танлар эди?

Вилоят ҳокими Ш.Ғаниев навбатдаги йиғилишда асосий мавзудан чекиниб, аслида маъносига етмай туриб беўхшов соқол қўйиш, ҳижобга кириш, ташқи қиёфани ўзгартириш муқаддас динимизнинг ҳақиқий талабларини акс эттирмаслигидан куюниб гапирганида баъзи бир қўпол ибораларни ҳам ишлатган. Аммо вилоят раҳбари озод ва обод ватанимизнинг ҳар бир фуқароси шу азиз юртга, унинг миллий қадрият ҳамда урф-одатларига муносиб ташқи қиёфа эгаси бўлиши кераклигини назарда тутган. Афсуски, жойларда беўхшов соқол қўювчилар, миллий маданият ва маънавиятимизга номуносиб шаклда ўзга халқлар урф одатига амал қилиб рўмол ўрайдиган ва кийинадиганлар учраб туради. Ҳокимнинг куюкиб гапирган сўзлари аввало уларга қаратилган.

Ш.Ғаниевнинг бозорларга ноқонуний йўллар билан миллатимизга мос бўлмаган диний либосларни келтириб сотаётган тадбиркор ва бозор раҳбарларга нисбатан талабчанликни кучайтириш, террористик ташкилот сифатида фаолияти таъқиқланган диний оқимларни танқид қилиши, Риштон “Барака” бозорида таъқиқланган адабиётлар савдоси билан шуғулланаётганларга қонуний чора кўришни талаб қилгани, расмий учрашувларда иштирок этадиган журналистлар, шаҳар, туманларда бўладиган йиғилиш қатнашчилари муносиб кийимда бўлишини, шунингдек, реклама баннерларидаги одамлар суратлари миллий қадриятларимизга хос ташқи кўринишда акс эттирилиши лозимлигини эслатгани, шифохонада даволанаётган беморлар очиқ, сочиқ кийимда ётганлигини танқид қилгани, фарзандига исм қўйишда дунё халқларининг лаънатига учраган террористларнинг исмини эмас, миллатимизнинг буюк вакиллари номи билан аташни тавсия этгани, айниқса, ёшларнинг соч қўйишда оммавий маданият таъсирига берилмаслиги ҳамда мамлакатимизда эркин диний эътиқод учун яратилган шароитларни қадрлаш ва яна бошқа мавзулардаги мулоҳазалари авваламбор вилоятда ижтимоий-маънавий муҳит барқарорлигини янада мустаҳкамлашга қаратилгандир. Бу фикрларга ўзгача ёндошув ва урғу бериш, вилоят ҳокимининг сўзларидан бошқача маъно излаш адолатдан эмас.

Шуни маълум қиламизки, хорижий ОАВ ва ижтимоий тармоқлардаги билдирилган фикр – мулоҳазаларни Фарғона вилояти ҳокими Ш.Ғаниев, ҳокимлик мутасаддилари ўрганиб, тегишли хулосалар чиқардилар.

Бундан буён муҳокама қилинаётган ҳар қандай масала бўлмасин унинг қонуний моҳиятига ва мулоқот маданиятига қатъий риоя этилади, - дейилади баёнотда.

Ўхшаш янгиликлар

  1. Nodir 1 октябр 2019 01:14
    Turk investorini soqolini olarmish. Qaysi ahmoq bu johilning iflos ogʻzidan chiqqan shu rasvo gapdan keyin Oʻzbekistonga investitsiya olib kiradi. Shurikning oʻzini sochini olib, eshakka teskari oʻtqazib, sazoyi qilish kerak. Shunchalik ham kerakli kadr ekanmi, prezident ham chora koʻrmayapti? Rasvo qilyaptiku hamma narsani. Shunday johillikdan keyinam qanday qilib lavozimida qilayapti bu <<oyogʻi yerdan uzilgan?>> Manimcha Kremlning himoyasida Shuhratboy.
  2. Нажмиддин 30 сентябр 2019 14:06
    Канака манода тушиниш керак эди бу харомини гапларини
  3. 123456 123456789 30 сентябр 2019 13:54
    Kaaaattta bet bor. Yanggi. Hali ishlatilmagan
  4. Shoxrux 30 сентябр 2019 13:29
    Ундай булса, мухтарам хокимлар. Кастюм ва галстукларни ечигингиз сураймиз, мактаб, олийгохларда галстукни бекор килишларингизни хам сураймиз. Миллий кадриятларимизга тугриикелмайди
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Сиёсат » Фарғона вилояти ҳокимлиги: Ҳокимнинг сўзларидан ўзгача маъно излаб, бузиб талқин қилиш ҳоллари рўй бермоқда