Олий Мажлис Сенати раиси биринчи ўринбосари Содиқ Сафоев бугун, 4 октябрь куни журналистлар саволига жавоб бериш жараёнида Ўзбекистоннинг Туркий кенгашга қўшилиши ҳақида ҳам тўхталиб ўтди.
"Ўзбекистон Туркий кенгашга қўшилди. Бу 25 йил давомида биз ундан қўрққан, қочган ташкилот. Ушбу ташкилотга қўшилиш юзасидан бизнинг сегментимизда қандайдир ўзига хос шов-шув бўлгани йўқ. Ваҳоланки, ўз вақтида бу масала кун тартибига ҳам қўйилмаган эди", — деди сенатор.
Шунингдек, Сафоев уч йил аввал Ўзбекистоннинг янгиланган — нисбатан очиқ, нисбатан прагматик, кўп ҳам сиёсийлаштирилмаган ва нисбатан ғоясизлантирилган ташқи сиёсатини амалга ошириш бошланганлиги хусусида ҳам гапириб ўтди.
