Олий Мажлис Қонунчилик палатасидаги ЎзЛиДеП фракцияси аъзоси Расул Кушербаев бу галги сайловларда унинг номзоди қўйилган округи нега ўзгарганини изоҳлади.
"Мен Янгийўл туманининг Қўшёғоч қишлоғида туғилиб ўсганман.
Бу сафарги сайловда Олий Мажлис Қонунчилик палатаси сайлов округлари чегараларида ўзгариш бўлиб, илгари 88-Янгийўл сайлов округидан номзодларга овоз берган Қўшёғоч қишлоғи аҳолиси эндиликда 95-Чиноз сайлов округидан номзодларга овоз бераркан.
Шунингдек, 95-Чиноз сайлов округига Янгийўл туманининг “Қовунчи”, “Ёшлик”, “Қирсадоқ”, “Писталик”, “Дархон”, “Жамбул”, “Бунёдкор”, “Саховат”, “Ислоҳот”, “М.Улуғбек”, “Янгийўл”, “Хўжаобод”, “Шўралисой”, “Марказ”, “Иттифоқ”, “Озод”, “Мингбулоқ”,
“Ҳақиқат”, “Халқобод”, “Олмазор”, “Ниҳол”, “Ватан”, “Ифтихор”, “Боғбон”, “Миришкор”, “Қўшёғоч”, “Байтиш”, “Эпкенди" каби маҳаллалари бириктирилибди, - деб ёзади депутат ўзининг телеграмдаги канлида.
Эслатиб ўтамиз, кеча ЎзлиДеПнинг навбатдаги Съездида парламентнинг қуйи палатасига бўлиб ўтадиган сайловда номзодларни тасдиқлаган эди. Шундан сўнг тармоқларда Кушербаевнинг номзоди Янгийўлдан эмас балки Чиноздаги округдан қўйлгани муҳокама қилинган эди.
