"Миллий тикланши" партияси раҳбари Алишер Қодиров коммунал тўловларни табақалашган ҳолда тўлаш тартибини жорий қилишни таклиф қилди. Қодировдан ўтган ҳафта "Sevimli TV" ва "MY5" телеканаллари томонидан суратга олинган дебатда партия томонидан халққа яқин бўлиш учун билдирилаётган 3 та таклиф сўралганда у ушбу масалага ҳам тўхталиб ўтди.
Партия раҳбари биринчи таклифи сифатида ўқитувчилар мақоми бўйича алоҳида ишлаш кераклигини таъкидлаган. Иккинчи таклиф эса табақалаштирилган коммунал тўлов бўлди. Унга кўра аҳолининг топган даромадига қараб коммунал тўловларни табақалаштириш тизимини ташкил қилиш кераклиги таъкидланди. Учинчи таклиф эса банклардаги кредит тизимини ўзгартириш бўлди.
