Ҳафтанинг илк кунининг тонгида Андижон вилоят ҳокими Шуҳратбек Абдураҳмонов Андижон шаҳрининг эски шаҳар ҳудудидаги "Марказий деҳқон бозори"да косиблик қилаётган ҳунармандлар билан учрашди.
Учрашувда уларнинг муаммолари тингланди. Шундан сўнг уларга иссиқ кийимлар тарқатилди. Вилоят ҳокимлиги матбуот хизмати ҳокимнинг ушбу ҳудудга ташрифини қуйидагича тарифлади.
“... ҳунармандлар-косиблар ҳам зийрак ва талабчан вилоят ҳокимининг эътиборидан четда қолмади”.
Ҳокимнинг ташрифидан мақсад эса косибларга қулай шароит яратиш ва қишда совуқ қотиб қолмасликлари учун ҳаракат қилиш бўлган.
Эслатиб ўтамиз аввалроқ вилоят ҳокими халқ муаммосини ўрганиш мақсадида қишлоқда бир кун яшаб, талабалар билан ҳам тушлик қилган эди.
