"Миллий тикланиш" ДП раҳбари Алишер Қодиров Олий Мажлис Қонунчилик палатасига депутат этиб сайланмади.
Маълум бўлишича Қодиров Жиззах вилояти 36-Пахтакор сайлов округидан қайта овоз бериш жараёнига қолган. Бу дегани ўша округдан қўйилган номзодларнинг ҳеч бири умумий овознинг 50 фоизидан кўпини ололмаган. Қайта сайловлар икки ҳафтадан сўнг бўлиб ўтади.
Кун.уз келтирган маълумотда Жиззах вилоятидан қўйилган номзодлардан фақат биттаси сайланган. Қолган 5 та округда эса қайта сайлов бўлиб ўтади.
