1939 йилда Қувада туғилган Ўзбекистон халқ шоири Тўлан Низом Фарғона вилояти ҳокими Шуҳрат Ғаниевга хат ёзди.
Шоир ҳокимга Ғаниевнинг 17 декабр куни ОАВ вакиллари ва бошқа фаоллар билан учрашувини кўргандан сўнг руҳланиб хат ёзганини айтган.
Тўлан Низом ҳокимнинг журналистлар билан очиқ-ойдин суҳбатлашгани, шоиру адибларнинг асарларини, уларнинг ижодини билишини кўриб, ундай китобхонни ҳали кўрмаганини ёзган.
Шунингдек, ҳокимга асосий орзуингиз нима деб сўрашганда Ғаниев вилоятнинг ҳар томонлама ривожланиши, одамларнинг яхши шароитда яшашини истайман деб жавоб берган. Бу эса шоирнинг айтишича бутун вилоят аҳлини руҳлантириб юборган.
Халқ шоири шу билан бирга ҳокимнинг хотираси кучли эканлигини ҳам таъкидлаган.
