Ўзбекистон ташқи ишлар вазири Абдулазиз Комилов толиблардан келган хабар билан ўртоқлашди.
Вазирнинг айтишича толиблар зўравонлик, уруш ва қурол ишлатишни тўхтатишга рози.
"Бугун эрталаб (27.12.2019) хабар келди, Толибонлар уруш, қурол ишлатишни ва зўравонликни тўхтатишга тайёрлигини билдирди. Ушбу қарор Афғонистон ҳукумати билан тўғридан-тўғри музокараларни бошлашга йўл очиб бериши мумкин. Бу масалани муҳокама қилиш учун икки томондан делегациялар шакллантирилади.
Бироқ бу билан Афғонистонда тинчлик бирдан ўрнатилади деб бўлмайди, чунки музокаралар узоқ давом этади ва умид қиламизки, бир ечимга келинади. Шуни таъкидлаш ҳам керакки, Ўзбекистон афғон халқига ёрдам беришга ва тинчлик ўрнатиш жараёнларини қўллаб-қувватлашга ҳамиша тайёр", - деди Комилов шу йил 27 декабр санасида сайлов якунларига бағишланган учрашувда.
