Бугун, 7 январь куни Президент Шавкат Мирзиёев қурилиш соҳасидаги ислоҳотларни янада жадаллаштириш бўйича устувор вазифаларга бағишланган йиғилиш ўтказди.
Йиғилишда ушбу соҳада йўл қўйилаётган хато ва камчиликлар кескин танқид қилинди. Хусусан йиғилишда соҳада юзага келаётган бахтсиз ҳодисалар ҳақида сўз юритилди.
Соҳада техника хавфсизлиги талабларига риоя қилинмаётгани, “риск-анализ” тизими ва назорат йўқлиги бахтсиз ҳодисалар юз беришга сабаб бўлаяпти. Шулардан келиб чиқиб тегишли вазирлик ва идораларга қурилиш соҳасида давлат назоратини бутунлай янгича асосда ташкил этиш, меҳнат муҳофазасини кучайтириш бўйича кўрсатмалар берилди.
