Кеча, 8 январь куни Президент Шавкат Мирзиёев раислигида ҳудудларда тадбиркорликни ривожлантириш ва Давлат бюджети параметрларини ижро этишда шу йили амалга ошириладиган ишлар юзасидан видеоселектор йиғилиши ўтказилди.
Унда Президентимиз электр ҳамда газ жой-жойига қўйилса иқтисодиётимиз барқарор бўлиши хусусида гапирди. Шунингдек, ўғрилик ва коррупция масаласига ҳам тўхталди.
“Иш услубимизни ўзгартиришимиз керак. Ҳар бир вилоят, туман, шаҳар ҳокими қанча газ, қанча электр-энергия кирим бўлади, қанча кўмир талаб қилинади, ҳар куни аниқ ҳисоб-китоблар асосида кирим-чиқим билан ишлаши, ҳар бир тадбиркорлик йўналиши бўйича иш режаси бўлиши зарур. Электр, газни жой-жойига қўйсак иқтисодиётимиз барқарор бўлади. Ўғрилик, коррупция бўлмаслиги керак. Ўзбекистоннинг бойлигини халқимизга муносиб етказиб берадиган тизим керак”, – деди Президентимиз Шавкат Мирзиёев.
