Аввалроқ Бош вазир Абдулла Арипов раислигида видеоселектор йиғилиши бўлгани ҳақида хабар берган эдик.
Йиғилишда Арипов замонавий ҳисоблагичлар ўрнатиб энди газ ва электр энергия истеъмоли учун олдиндан тўлов қилиш тизимини жорий этишни таклиф қилди. Бунга истеъмолчилар томонидан қарздорлик кўплигисабаб бўлаётгани айтилди. Шунингдек, Сайхунобод, Дўстлик, Муборак, Оҳангарон туманларида қарздорлик юқори даражада экани таъкидланди. Бунинг олдини олиш учун эса электрон ҳисоблагичлар сони кўпайтирилмоқда. Хусусан 2019 йилда 2,5 миллионта ана шундай ҳисоблагичлар ўрнатилган бўлса, бу йили 4,5 миллионтасини ўрнатиш қўзда тутилган.
“Энди истеъмолчи худди уяли алоқа учун олдиндан тўлов қилгани каби, табиий газ ёки электр энергиясига ҳам шундай тўлов қилсин. Шундагина икки томонда ҳам бугунгидек сарсонгарчилик ҳолатлари кузатилмайди”, - деди Арипов.
