Ахборот технологиялари ва коммуникацияларини ривожлантириш вазирлигида япониялик мутахассис Эцуаки Ёшида вазир маслаҳатчиси сифатида иш бошлади. Бу ҳақда EVERYDAY.UZ мухбири вазирлик ахборотига таяниб хабар қилди.
Маълум бўлишича эндиликда япониялик мутахассис Ахборот технологиялари корхоналарининг инвестиция фаолиятини жадаллаштириш, техник ва технологик жиҳатдан қайта қуроллантириш дастурини амалга оширишда хорижий инвестициялар ва халқаро кредит линияларини жалб қилиш билан шуғулланади.
Ёшида 1971 йилда Японияда туғилган. У турли йиллар давомида Японияда масъулиятли лавозимларда ишлаган.
