Наманган вилоятида ЎзЛиДеП депутати стипендия жорий қилди. Бу ҳақда EVERYDAY.UZ мухбири хабар қилди.
Халқ депутатлари туман Кенгаши депутатлигига сайланган Адиба Хожимирзаева Уйчи туманида аҳоли билан учрашув давомида мактабдаги ўқувчилар учун стипендия жорий қилганини маълум қилган. Ўша куннинг ўзида уч нафар мактаб ўқувчиларига стипендия берилган ва ота-оналарига ташаккурномалар тақдим этилган.
Шунингдек, депутат учрашув давомида ногирон аёлни ҳам иш билан таъминлаган. У ўзи раҳбарлик қиладиган корхонага туманда яшовчи Ш.Рўзибоевани ишга жойлаштирган. Энди Рўзибоева уйда ўтирган ҳолда корхонага ёрдам бериб, ойлик олади.
Депутат қанча миқдордаги стипендия беришини очиқламаган.
