Актам Хаитов: Фуқароларимиз онгида коррупцияга қарши нафрат туйғусини шакллантиришимиз лозим

14-02-2020, 16:07
Сиёсат
Актам Хаитов: Фуқароларимиз онгида коррупцияга қарши нафрат туйғусини шакллантиришимиз лозим
Олий Мажлис Қонунчилик палатасидаги O‘zLiDeP фракцияси раҳбари, Спикер ўринбосари Актам Хаитов коррупйцияга қарши кескин курашиш кераклигини таъкидлади. Партия раҳбарининг ушбу иллатга муносабати ЎзЛиДеП расмий сайтида эълон қилинди. Қуйида ун тўлиқ ҳавола этамиз.

"Маълумки, Президентимиз Шавкат Мирзиёев Олий Мажлисга йўлланган Мурожаатномада коррупциянинг оқибатлари билан курашишдан кўра барвақт олдини олишга ўтиш кераклигини таъкидлаб, унга қарши курашишга масъул бўладиган алоҳида орган тузишни таклиф қилган эди. Орадан қисқа вақт ўтиб, давлатимиз раҳбари коррупцияга қарши курашиш ҳамда жамоатчилик назорати тизимларини такомиллаштириш масалалари бўйича йиғилиш ўтказиб, ушбу янги тузилмани ташкил этиш масаласини илгари сурди. Бу – жуда ҳам муҳим масала.

Чунончи, коррупция – жамиятнинг иқтисодий тараққиётини издан чиқариб, инсонлар ўртасида нотенгликни юзага келтирувчи, айрим мансабпараст шахсларнинг қўлида маблағ тўпланиб, шунинг ҳисобига жамият таназзулга юз тутишига сабаб бўлувчи, қисқача айтганда, бутун дунё мамлакатлари олдида долзарб муаммо саналувчи жирканч иллат ҳисобланади. Афсуски, бизнинг жамият ҳам бундай иллатдан мустасно эмас.

Шу ўринда бир савол туғилади. Хўш, коррупция нима ўзи? Коррупциянинг келиб чиқиш илдизи қаерда? Коррупция бугун қайси соҳаларда кенг тарқалган?

Тўғри, бу ҳақда ҳамманинг ўзига хос тасаввури, тушунчаси бор, албатта. Коррупция бу – шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, бундай нафни қонунга хилоф равишда тақдим этишидир. У халқнинг давлат ва унинг органларига бўлган ишончига путур етказади, жамиятнинг ахлоқий асосларини емиради, ижтимоий-иқтисодий муаммоларнинг вужудга келиши ва чуқурлашишига сабаб бўлади. Агар бирор соҳа жадал ривожланмаётганининг сабаблари холис ва чуқур ўрганилса, улардан бири, албатта, коррупция эканлиги маълум бўлади.

Кейинги пайтларда матбуот ва ижтимоий тармоқларда юртдошларимиз, айниқса, тадбиркорлар ҳанузгача ер ажратиш, кадастр, қурилиш, лицензия, божхона, банк, давлат харидлари каби соҳаларда коррупцияга дуч келаётгани ҳақидаги хабарларни тез-тез ўқиб, эшитиб турибмиз. Энг ёмони, бу иллат иқтисодиёт ривожи, чинакам қулай тадбиркорлик ва инвестиция муҳити учун энг асосий тўсиқлардан бири бўлмоқда. Чунки коррупция жамият илдизини тубидан қўпорувчи иллатдир. Унга қарши барчамиз бир ёқадан бош чиқариб курашмасак, мамлакат келажагини ҳалокатга олиб бориши, шубҳасиз. Шу боисдан, бунга йўл қўймаслик ва коррупция жиноятига бутунлай барҳам бериш учун фуқароларимиз онгида коррупцияга қарши нафрат, уни содир этишга йўл қўймаслик туйғусини шакллантиришимиз лозим. Айнан партиянинг дастурий мақсади ҳам коррупцияга қарши курашиб, бу борада парламент палаталаридаги коррупцияга қарши курашиш ва суд-ҳуқуқ масалалари қўмиталарининг ваколат ва функцияларини кучайтириш орқали кўзланган натижага эришишдир. Зеро, коррупцияга қарши курашишда депутатлар ташаббускор бўлмас экан, олдимизга қўйган юксак марраларга эришиш қийин бўлади.

Давлатимиз раҳбари ҳам ушбу иллатга қарши курашиш бўйича аниқ вазифаларни белгилаб берди. Айниқса, Жамоатчилик палатаси ташкил этиш таклифини билдиргани айни муддао бўлди. Сабаби ушбу иллатга қарши курашишнинг якка-ю ягона йўли бу – жамоатчилик назоратини кучайтиришдир. Жамоатчилик палатаси эса аҳоли фикрини мунтазам равишда ўрганиб бориб, уларнинг ечимини топиш бўйича давлат идоралари олдига аниқ вазифалар қўя олади.

Бир сўз билан айтганда, коррупцияга қарши кураш ҳар куни, ҳар лаҳзада ҳар бир фуқаро томонидан амалга оширилиши керак. Чунки жамиятимизда коррупция иллати ўзининг турли кўринишлари билан тараққиётимизга ғов бўлмоқда. Бу иллатнинг олдини олмасак, ҳақиқий ишбилармонлик ва инвестиция муҳитини яратиб бўлмайди. Шундай экан, коррупцияга қарши энди сўзда эмас, амалда жиддий курашишимиз зарур" - дейди Хаитов.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

Ўзбекистоннинг 600 тонна гуманитар ёрдами Афғонистонга етиб борди

Ўзбекистон Афғонистонга гуманитар ёрдам берди. ТИВнинг хабар беришича мамлакатимиз томонидан юборилган 600 тоннага яқин...
Бугун, 21:12

Коронавирус 40 даража иссиқда ҳам нобуд бўлмаслиги маълум қилинди

Бугун бўлиб ўтган брифингда Санитария-эпидемиология назорати давлат инспекцияси бошлиғи Нурмат Отабеков коронавирус...
Бугун, 18:46

Яна беш нафар фуқаро коронавирусдан тузалди (фотогалерея)

Ўзбекистонда яна фуқаролар коронавирусдан тузалди. Соғлиқни сақлаш вазирлигининг хабар беришича, беш нафар фуқаро ушбу...
Бугун, 18:01

ДХХ Ўзбекистонда уюштирилиши режалаштирилган 2 та террорчилик ҳаракатининг олдини олгани маълум бўлди

Бугун 5 апрел Давлат хавфсизлик хизмати ходимлари куни. Ана шу сана муносабати билан ДХХ томонидан амалга оширилган...
Бугун, 15:12

Муниса Ризаева Гулнора Каримова сабаб ўзини ўлдирмоқи бўлгани ҳақида айтди

Хонанда Муниса Ризаева MyDay stories лойиҳасига берган интервьюсида Гулнора Каримова сабаб ўз жонига қасд қилмоқчи...
Бугун, 14:27
/ Муҳокамалар +4