Бугун Human бандлик агентлигидан жабр кўрган фуқаролар Мустақиллик майдонига тўпланиб, ҳукумат вакиллари билан учрашув ташкил этилишини сўради.
Улар суд жараёни якунларидан норози эканликларини мана шу йўл билан ифодаламоқчи бўлишган. Шундан сўнг улар йиғилган жойга мутасаддилар етиб келди ва кеч соат 17:00 ларда Бош вазир Абдулла Арипов билан учрашув ташкил этилди.
Учрашувда бош вазир бўлиб ўтган воқеалар хусусида Президентга ҳисобот берганини айтди. Унга кўра Президент агентликдан жабр кўрганларнинг барчасига пуллари қайтариб берилишини айтганини таъкидлади. Шунга кўра бош вазир Меҳнат вазири ҳамда Ипотека банк раҳбарларига икки кун ичида барча жабрланган 1086 нафар фуқарога пластик очган ҳолда, пулларини қайтариб бериш бўйича топшириқ берди.
Бош вазир аслида бундай иш қилиш ҳам тўғри эмаслигини, жабрланганлар суд қароридан сўнггина пулларини олишлари кераклигини, лекин Президентимизнинг топшириғига кўра уларнинг пуллари қайтарилаётганини айтди. Шунинг учун барча Президентга ташаккур изҳор қилиш кераклгини билдирди. Шунингдек, Арипов Президентга барча хусусий бандлик агентликларини тугатиш бўйича таклиф киритишини айди. Суҳбат давомида ушбу ишни содир этганлар қонун олдида жавоб бериши таъкидланди.
Қуйидаги видеолавҳада учрашув тафсилотлари билан танишишингиз мумкин.
