Аввалроқ Президент Шавкат Мирзиёев давлат идоралари раҳбарларининг даромадларини декларация қилиш борасида топшириқ берган эди. Коррупцияни олдини олиш бўйича йиғилишда Президент қатнашчиларга бир қатор вазифаларни берган. ДСҚ раиси Беҳзод Мусаевнинг айтишича, раҳбарларнинг даромадини декларация қилишга ўтиш ҳаракати бундан 3 йил олдин бошланган. 2021 йилда эса у тўлиқ жорий этилади.
Унинг айтишича давлат идорасидаги раҳбар ходимларнинг мулкини декларация қилиш бўйича президент муҳим топшириқ берган. Ушбу тизимни ишлаб чиқиш, унинг концепциясини яратиш, нуфузли чет эл экспертларини жалб қилишга бир ой муҳлат берилган.
Мусаев раҳбарлар мулкни қаердан олаётганини ва қанча мулки борлигини халққа кўрсатиб бера олиши кераклигини таъкидлади.
"Президентимиз аниқ мисолни келтирдилар. Раҳбар бўлиб бир лавозимга ўтирсада бир ёки икки йилдан кейин 2 та ҳовли 4 та машина сотиб оладиган бўлса, унинг манбасини кўрсатиб бера олсин, деган мисолларни келтирдилар. Биз шу соҳада ишлаймиз. Яъни давлат идорасида ишлайдиган ходимдан ташқари унинг атрофидаги кимларни ҳам декларциясини назоратга олиниши керак ҳамда биргаликда топшириши керак. Бу қариндоши, турмуш ўртоғи, фарзандлари бўлиши мумкин. Бунинг устида ишлаб, таклиф киритамиз", - деди ДСҚ раиси.
