«Бундайларга сафимизда ўрин йўқ» – O'zLiDeP Миришкор ҳокимини лавозимига нолойиқ деб хулоса берди

4-03-2020, 11:04
Сиёсат
«Бундайларга сафимизда ўрин йўқ» – O'zLiDeP Миришкор ҳокимини лавозимига нолойиқ деб хулоса берди
Халқ депутатлари Миришкор тумани кенгашидаги O‘zLiDeP депутатлик гуруҳининг йиғилиши бўлиб ўтди. Партия вилоят кенгаши аъзолари ҳам иштирок этган ушбу йиғилишда туман ҳокими, партиядан туман кенгашига сайланган депутат Бахтиёр Ражабов билан боғлиқ вазият муҳокама қилинди. Бу ҳақда партия матбуот хизмати хабар қилди.

Маълумки, шу йилнинг 28 февраль кунги йиғилишда Б.Ражабов маҳаллалар раисларини жуда қўпол сўзлар билан ҳақоратлаган аудиоёзув ижтимоий тармоқларда тарқалиб кетди ва жамоатчиликнинг ҳақли эътирозига сабаб бўлди. Аудиоёзувда ҳоким йиғилиш иштирокчиларини пул тушумларини ўз вақтида таъминламагани учун турли сўзлар билан ҳақоратлагани эшитилади.

Депутатлик гуруҳи йиғилишда мазкур ҳолат юзасидан кескин фикр-мулоҳазалар билдирилди. Ҳокимнинг ушбу хатти-ҳаракати инсон шаъни ва қадр-қимматига қилинган тажовуз сифатида баҳоланди. Депутатлик гуруҳи аъзолари томонидан бундай ҳатти харакатлари билан Б.Ражабов нафақат Қашқадарё вилояти номига, балки туман кенгашига O‘zLiDePдан сайланган депутат сифатида партия номига ҳам салбий таъсир кўрсатаётганлигини алоҳида таъкидладилар. O‘zLiDeP раҳбар ҳар ишни қонун доирасида бажариши, агар ҳокимнинг қонуний талабини бажармайдиганлар бўлса, уларга ҳақоратлаш, шахсиятига тегиш йўли билан эмас айнан қонун доирасида чора кўриши лозим деб ҳисоблайди. Бу каби ҳолатларни эса кескин қоралайди. Зеро, бугунги кун ҳокими ўз иши билан, сўзи билан, хулқ-атвори билан барчага ўрнак бўлиши шарт. Шиддат билан кечаётган ислоҳотлар шуни талаб этади. Энг муҳими, ҳеч ким ўз ҳатти-харакатлари билан ислоҳотларга соя солиши мумкин эмас, бундайларга сафимизда ўрин йўқ!

Депутатлар ушбу масалада ўзларининг кескин фикрларини баён қилиб, Б.Ражабов эгаллаб турган лавозимига мутлақо нолойиқ деб ҳисоблашларини ва туман хокими билан боғлиқ масалани туман сессиясида кўриб чиқиш учун киритиш ва унда ушбу масалага нисбатан O‘zLiDeP депутатлик гуруҳининг қатъий муносабатини билдириш лозимлиги борасида таклифларини ўртага ташладилар.

Кўрилган масалалар юзасидан депутатлик гуруҳининг тегишли қарори қабул қилинди, дейилади хабарда.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Orifjon 5 март 2020 08:06
Faqat tanbex beriladi lekin amaliy keskin chora ko'rilmaydi.Poraxo'rlik ham shu... oldindan oqibatini bilib qiladigan xatolarni qilganlarga ayovsiz chora korilsa ancha o'zgarish bo'ladi.mana siz qaysidir OTM ning amaldorisiz chetdan o'qishini kochirib kelish un pora olgan ksbdoshingiz qo'lga tushdi va jazo 15 yil + shu soxada ishlamaslik 1jazo emas 6-7 jazoni baravariga qo'lladi.qani endi siz pora oling qani
Муминжон 1973 5 март 2020 11:56
" БУНДАЛАР САФИМИЗДА ЙУК " ХММ БУНДАН БАТТАРЛАРИ БОР - деса булади.

МУНОСАБАТ БИЛДИРИШ

Сўнгги янгиликлар

Ховосда газ пасайиб кетгани учун иситиш печидан фойдаланилган уйда 4 киши ис газидан вафот этди

Сирдарё вилоятининг Ховос туманида газ пасайиб кетгани учун иситиш печидан фойдаланилган уйда 4 киши ис газидан вафот...
Кеча, 19:32
/ Муҳокамалар +1

Ўзбекистонда каннабис экиш режалаштирилмоқда. Лойиҳа амалга ошса 100 та иш ўрни яратилади

Ўзбекистонда каннабис экиш режалаштирилмоқда. Бу ҳақда УзА хабар қилди. Маълум бўлишича, Сирдарё вилоятининг Сардоба...
Кеча, 18:33
/ Муҳокамалар +5

Ўзбекистонда ҳаво ҳарорати қачондан яна совий бошлаши маълум қилинди

Синоптиклар Ўзбекистонда ҳаво яна совиб кетишини айтмоқда. Бу ҳақда Ўзгидромет хабар қилди. Уларнинг маълумотига кўра,...
Кеча, 17:26

“Ҳудудий электр тармоқлари” “Trailblazer”ни воқеа жойига тезкорлик билан етиб бориш учун сотиб олганини маълум қилди

Аввалроқ ОАВда “Ҳудудий электр тармоқлари” 398 млн сўмга TRAILBLAZER LTZ AT автомашинасини сотиб олгани ҳақида хабарлар...
Кеча, 15:31
/ Муҳокамалар +12

Чинозда 5 минг тонналик ёқилғи цистернаси ёниб кетди. Унга 14 та ёнғин-қутқарув экипажи жалб қилинди

Тошкент вилояти Чиноз туманида 5 минг тонналик ёқилғи цистернаси ёниб кетди. Бу ҳақда ФВВ хабар қилди. Маълум бўлишича,...
Кеча, 15:16
/ Муҳокамалар +1