Бугун, 8 март санасида пойтахтда Халқаро хотин-қизлар куни муносабати билан байрам маросими бўлиб ўтмоқда. Унда Президентимиз Шавкат Мирзиёев иштирок этиб, мамлакатимиз хотин-қизларини байрам билан табриклади.
– Ер юзида инсоният пайдо бўлибдики, одамзот муқаддас Она сиймосини, мўътабар аёл зотини улуғлаб, ҳамиша шарафлаб келади. Оналаримиз шарофати билан Ватанимиз тупроғи жаннат боғларидек гўзал ва бебаҳодир. Оналар дуосидан юртимиз тинч, осмонимиз мусаффо, ишимизда унум, ҳаётимизда барака бор, – деди давлатимиз раҳбари.
Маросимда мамлакатимизда аёлларга берилаётган эътибор хусусида тўхталиб ўтилди. Хусусан, Ўзбекистона бугунги кунда парламентда аёллар сони бўйича дунёдаги 190 парламент орасида 37 ўринда бормоқда. Шунингдек, мамлакатимизда 1380 нафардан зиёд аёллар раҳбарлик лавзоимида ишлаётгани, фаол ва фидоий аёллар шаҳар ҳамда туман ҳокимлигига сайланаётгани алоҳида таъкидланди.
