Бугун, 9 март куни Бош вазир Абдулла Арипов раислигида йиғилиш бўлиб ўтди. Унда давлат тилиги бўлаётган эътибор масаласи муҳокама қилинди. Бу ҳақда кун.уз хабар қилди.
Йиғилишда Арипов тил масаласига Президентнинг шахсан ўзи алоҳида эътибор қаратганини таъкидлади. Шунингдек, Бош вазир фарзандларга, кўча, корхоналарга ўзбек тарихи, маданияти ва маънавиятига зид бўлган номлар қўйилаётганини танқид қилди.
Арипов ижтимоий тармоқларда айнан ушбу масала кенг муҳокама қилинаётганини айтди. Бу эса ўз навбатида масъулларнинг хатоси экани таъкидланди. Яқинда кўча, қишлоқлар, овуллар ва корхоналарнинг номларини ўрганувчи масъуллар жойларда вазиятни текширганда, ном бериш ўз ҳолига ташлаб қўйилгани аниқланган.
Шунингдек, мамлакатимизда 300дан зиёд қишлоқ ва маҳаллаларнинг, 400га яқин кўчанинг эски, совет давридан қолган ёки бирор мантиқсиз, тушунарсиз номлари ҳалигача сақланиб қолаётгани маълум бўлди.
