ЎзЛиДеПдан Олий Мажлис Қонунчилик палатасига сайланган депутат Абдулла Рузметов янги лойиҳага қўл урди. Бу ҳақда партия матбуот хизмати депутатнинг фейбукдаги постига таяниб хабар қилди.
Маълум бўлишича, депутат “Дезинфекция туннели”ни жорий қилган. Ушбу туннел яратилгач депутат лойиҳасини ҳокимга тақдим қилган. Урганч шаҳар ҳокими Шухрат Абдуллаев буни маъқуллаган ҳамда унинг кўмаги билан Урганч шаҳар деҳқон бозорининг 2 та асосий дарвозаси олдига қўйилган.
Шунингдек, мазкур туннелнинг дезинфекция эритмаси билан доимий таъминлаб боришда Урганч шаҳридаги Санитария-эпидемиологик осойишталик агентлиги (СЭС) ходимлари ҳам ўз ҳиссасини қўшадиган бўлди, дейди депутат.
