Халқ депутатлари Сурхондарё вилояти кенгаши депутати, Сенатор Абдуқодир Тошқулов сўнгги кунларда қилинаётган хайрия ишлари ҳамда пандемия сабаб келтирилаётган зарар ҳақида гапирди.
Сенатор Пандемия оқибатиада бугунги кунда ишлай олмаётган фуқаролар орасида кунбай, вақтбайга ишлайдиганлар катта зарар кўраётганини айтди. Хусусан,официант ва ошпазлар бунда қийналиши қўшимча қилинди.
Шунингдек, Тошқулов ҳозирда камбағалларга хайрия қилиб, уни тармоқларга жойлаётганларни танқид қилди.
“Сумкага 2 кг гўшт, 4 кг картошкани солиб, уни олиб бориб бериш яхши. Уни яна фейсбукка қўйиш ҳам яхшидир балки. Лекин хайру саҳоват бундай кўрсатилмайди. Яна улар билан суратга тушиш... Бу уларнинг ҳуқуқи, маънавий даражасига даҳл қилиш. Бу ҳақда ҳадис ҳам бор. “Бир қўлингиз берган эҳсонни иккинчи қўлингиз кўрмай қолсин” деган. Шунинг учун бу нарсаларни ўйлаб, ақл билан қилиш керак”, – дея қўшимча қилди Абдуқодир Тошқулов.
