Бугун 5 апрел Давлат хавфсизлик хизмати ходимлари куни. Ана шу сана муносабати билан ДХХ томонидан амалга оширилган айрим ишлар ўзА томонидан эълон қилинди.
Манбанинг хабар қилишича ДХХ Ўзбекистонда уюштирилиши режалаштирган 2 та террорчилик ҳаракатининг олдини олган. Шунингдек, улар ташаббуси билан ҳамдўстлик мамлакатларида амалга оширилиши режалаштирилган 7 та террорчилик ҳараткаларига ҳам барҳам берилган.
Шу билан бирга 625 килограммдан ортиқ гиёҳванд моддалар мусодара қилинди. 500 дан ортиқ коррупция билан боғлиқ ҳолатларга чек қўйилди ҳамда мамлакатимиз чегараларидан ноқонуний олиб ўтилган қарийб 97,7 млрд сўмлик товар-моддий бойликлар мусодара қилинди.
Ўзбекистон Республикаси Президентининг топшириғига кўра амалга оширилган “Меҳр 1” ва “Меҳр 2” гуманитар операциялари доирасида Яқин Шарқ давлатларида оғир шароитда қолаётган 220 нафар аёллар ва болаларни мамлакатимизга олиб келишда ДХХ ходимлари ҳам фаол иштирок этди ва ёт ғоялар таъсирида Афғонистонда қийин ҳолатга тушиб қолган ўнлаб ватандошларимиз ҳам ўз яқинлари бағрига қайтарилди.
Ушбу сана муносабати билан таҳририят номидан ДХХ ходимларини касб байрамлари билан чин юракдан табриклаб қоламиз.
