Бугун, 20 апрел куни Президент Шавкат Мирзиёев иштирокида йиғилиш ўтказилди.
Йиғилишда саноат, қурилиш ва инфратузилма тармоқлари корхоналарининг тўлиқ ишлашини таъминлаш масалалари атрофлича муҳокама қилинди. Шунингдек, унда карантин қоидаларини айрим ҳудудларда босқичма-босқич юмшатиш бўйича топшириқ берилди.
"Давлатимиз раҳбари Республика комиссиясига коронавирус умуман аниқланмаган ёки эпидемиологик вазият яхшиланган вилоят, туман ва шаҳарларда карантин чекловларини босқичма-босқич юмшатиш чораларини кўриш бўйича топшириқ берди", - дейилади Президент матбуот хизмати тарқатган хабарда.
Аввалроқ Ўзбекистонда карантин муддати 10 майга қадар узайтирилгани ҳақида хабар берган эдик.
