Кеча, 22 апрел куни Президент Шавкат Мирзиёев раислигида бўлиб ўтган видеоселекторда нархни ошириш мумкин эмаслиги таъкидланди.
“Нарх навонинг ошиб кетмаслиги учун Бош прокуроримиз шахсан шуғулланяпти”, – деди Президент.
Шунингдек, Президент деҳқон ва тадбиркорларга давлат кўмак бераётгани, шу сабабдан ҳам нарх-навони ошириш мумкин эмаслиги ҳақида гапирди.
“Бир пайтлар Рамазон ойи бошланса нарх ошади деган гаплар бўлар эди, бунга йўл қўймаслик керак”, – дея қўшимча қилди давлатимиз раҳбари.
Бугунги кунда бир вақтнинг ўзида ҳам соғлиқни сақлаш, ҳам иш билан таъминлаш масалалари тўғри келиб қолгани, Ўзбекистон тарихда бундай иккита учта вазифани бирданига ечмагани ҳам таъкидланди.
“Лекин ҳозир ҳаётнинг ўзи бизга шуни мажбур қиляпти”, – деди Шавкат Мирзиёев.
