Бухоро ва Сирдарёда талофат кўрганларга ёрдам бериш мақсадида амалга оширилаётган хайрли ишлар давом этмоқда.
Хусусан O'zLiDeP ходимлари ҳам мазкур ишга ўз хиссаларини қўшди. Партия раҳбари Актам Хаитовнинг маълум қилишича, ходимлар ўзларининг маошининг бир қисмини талофат кўрганларга йўналтирди.
"Ўзбекистон Либерал-демократик партияси, Ўзбекистон фермер, деҳқон хўжаликлари ва томорқа ер эгалари кенгаши Бухоро ва Сирдарёда содир бўлган воқеани эшитган заҳотиёқ, Партия ва Кенгашнинг марказий аппаратидан тортиб, ҳудудий ташкилотларида меҳнат қилаётган ходимлари кўнгилли равишда бир ёқадан бош чиқариб, икки кунлик иш ҳақларини ва ҳомийлик саховат ёрдам маблағларини тезкорлик билан табиий офатдан зиён кўрганларга ажратиб, хайрли ишга баҳоли қудрат биринчилардан бўлиб ҳисса қўшишга ошиқишди", - дейди Актам Хаитов.
Шунингдек, Хаитов тадбиркор, фермер ва депутатларни ҳам ушбу ҳудудларда жабр кўрганларга ёрдам беришга чақирди.
