Президент Шавкат Мирзиёев Сардоба сув омборида юз берган вазият сабабли Сирдарё вилоятида бўлиб турипти.
Шавкат Мирзиёев бугун тўғонни тиклаш ишлари бўйича амалга оширилаётган ишларни кўздан кечирди. У ерда мутахассисларга дамбани мустаҳкамлаш бўйича тавсиялар берди.
Шундан сўнг, Президентимиз офатдан катта зарар кўрган Сардоба туманидаги “Навоий” МФЙда бўлди. Ҳукумат комиссияси аъзолари ҳудудни тозалаш, санитар ҳолатни барқарорлаштириш бўйича олиб борилаётган ишлар юзасидан ахборот берди. Президент қишлоқ ичига кириб, хонадонларга етган зарарни кўздан кечирди.
Ҳозирда сирдарёлик фаоллар билан учрашув бўлиб ўтмоқда, дея хабар қилди Янгиликлар 24 дастури.
