Бугун, 5 май куни Президент Шавкат Мирзиёев раислигида бўлиб ўтган видеоселектор йиғилишида карантин чораларани юмшатиш масаласига тўхталиб ўтилди.
Хусусан, эпидемиологик вазият яхши бўлган ҳудудларда санитария талабларини белгилаган ҳолда, ноозиқ-овқат дўконлари, тиббий диагностика, такси хизмати, таъмирлаш, тикувчилик, маиший техника ва пойабзал тузатиш, сартарошхоналар фаолиятига рухсат бериш кераклиги қайд этилди. Шунингдек, стикерлар бекор қилиниб, шахсий автомобиллардан фойдаланиш мумкин бўлиши қайд этилди.
Лекин мамлакатда коронавирус билан боғлиқ ҳолат тўлиқ бартараф этилмагани учун одамлар кўп тўпланадиган объектлар, жумладан, театр, концерт ва спорт заллари, тўйхоналар, жамоат транспорти бўйича чекловлар маълум муддатгача сақланиб қолиши таъкидланди. Шулардан келиб чиқиб Республика комиссиясига қайси ҳудадларда хизмат турларини қандай шартларга кўра йўлга қўйишни белгилаш топширилди.
