Президент Шавкат Мирзиёев кеча, 15 май куни Сардобада аҳоли билан суҳбатлашгани ҳақида хабар берган эдик.
Учрашувда давлат раҳбари Сардобада қурилган сув омборининг аҳаамити ҳақида тўхталиб ўтди.
“Албатта кимдир савол бериши мумкин “шу сув омбори керакмиди?” деб. Нима учун Сирдарё билан Жиззах вилояти ривожланмаган? Сув бўлмагани учун. Деҳқон одам билади пахтага 5-6 марта сув бериш керак. Нимага бошқа жойларда хосил 40-70 центнер бўладию бу ерда15 центнер. Икки марта ҳам сув бера олмасдикку. Иккинчидан, бирор марта такрорий экин эка олармидик? Сув йўқ эди-ку”, – деди Шавкат Мирзиёев.
Президент шунинг учун 2010 йил энг тўғри хулоса қилинганини таъкидлади. Талофат ҳеч кимни аямайди, дея қўшима қилди давлат раҳбари.
Эслатиб ўтамиз, Сардобада сув тошқинидан 4,5 мингдан зиёд хонадон эгалари зарар кўрган ва ҳар бир хонадонга 40 миллион сўмлик моддий ёрдам, шунингдек, телевизор, музлатгич, кир ювиш машинаси, минипеч, электр чойнак ва дазмол каби маиший техникаларҳам совға қилинди.
