2020 йил 19 май куни Шавкат Мирзиёев раислигида видеоселектор йиғилиш бўлиб ўтди. Унда тадбиркорликни қўллаб-қувватлашга қаратилган қўшимча чора-тадбирлар атрофлича муҳокама қилинди.
Йиғилишда Президент барча ҳокимларга мурожаат қилди.
– Барча ҳокимларни огоҳлантираман. Бирорта тадбиркорнинг мулки ноқонуний олиб қўйилса, ҳоким фақат ишдан кетиш билан қутулмайди, балки қонун олдида жавоб беради, – деди Шавкат Мирзиёев.
Шунингдек, йиғилишда мулк дахлсизлиги ҳақида ҳам сўз юритилди. Тегишли идораларга мулк дахлсизлиги бўйича жавобгарликни кучайтириш бўйича топшириқ берилди. Шу билан бирга, мулк компенсацияси бўйича тадбиркорлар фойдасига чиқарилган суд қарорларнинг ижросини тўлиқ амалга ошириш бўйича ҳам кўрсатма берилди.
Президент топширғи билан ҳар бир туман, шаҳарларда тадбирколарга яратилган шароитлар бўйиича ойма-ой ҳисобот қилиб бориладиган бўлди. Шунингдек, бизнес омбудсман тадбиркорларнинг мулк ва тадбиркорлик ҳуқуқини бузган туман ёки шаҳар ҳокимлар ҳақида ҳукуматга маълумот киритиб туради. Вазирлар маҳкамаси эса ўз навбатида, тадбиркорларнинг муаммосини ҳал қилмаган ва улар билан ишламаган туман ёки шаҳар ҳокимининг лавозимга лойиқлигини кўриб чиқади.
Шулардан келиб чиқиб, йиғилишда тадбиркорлар билан суст ишлаган туман ва шаҳар ҳокимларини вазифасидан озод қилиш бўйича кўрсатма берилди.
