Хабар қилинганидек, кеча Президент Шавкат Мирзиёев раислигида йиғилиш бўлиб ўтди. Йиғилишда тижорат банклари олдидаги вазифаларга ҳам тўхталиб ўтилди.
Унда давлат раҳбари банк соҳасида кредитлаш билан муаммолар борлигинии маълум қилиб, Халқ қабулхоналари ва Бош вазир қабулхоналарига келаётган мурожаатларнинг 55 фоизи айнан банк кредитлари билан боғлиқлигигини айтди.
"Банк хизматлари бўйича тадбиркорлар мурожаатлари Миллий банкда 10 фоиз, Микрокредитбанкда 11 фоиз, Агробанкда 13 фоиз ижобий ҳал қилинган, холос", - дейилда Президент матбуот хизмати ахборотида.
Шавкат Мирзиёев шунингдек, банк фаолиятига мижозларга хизмат кўрсатиш сифатига қараб баҳо берилишини алоҳида қайд этди.
Тижорат банклари кичик бизнес ривожида муҳим бўғин экани, ҳар бир тумандаги “ўсиш нуқталари”га маблағ йўналтириб, тадбиркор ва фуқароларни қўллаб-қувватлаши зарурлиги таъкидланди.
