Айни вақтда Ўзбекистон президенти Шавкат Мирзиёев Андижонда йиғилиш ўтказмоқда.
Йиғилиш аввалида Шавкат Мириёев барчани Рамазон ҳайити билан табриклади.
Президент ўз нутқида вилоятда 40 мингдан ортиқ муҳтож оилалар борлигини, саноат лойиҳалари, қишлоқ хўжалиги ва томорқачилик, оилавий тадбиркорлик, ҳунармандчилик, ўзини ўзи банд қилиш орқали уларнинг даромадини ошириш кераклигини таъкидлади.
Йиғилишда давлат раҳбари Бош вазир ўринбосарлари, ҳокимлар ва сектор раҳбарлари ҳар бир камбағал оила муаммоларини аниқ билиши, улар билан манзилли ишлаши кераклигини айтди.
Шунингдек, эндиликда ҳар бир секторда «Камбағалликни қисқартириш штаби» ташкил этилиши маълум қилинди. Унинг таркибига иқтисодиёт, молия, меҳнат, инвестиция, солиқ идоралари ва банк вакиллари бириктирилиши белгиланди.
- Статистлар берган рақамлар билан шу пайтгача тўғри йўналиш қилиб бўлмади, халқимиз манфаат кўрмади. Таклифлар туманлардан, одамларнинг ўзидан чиқиши керак. Вазирлар, раҳбарлар кабинетда эмас, ҳудудларда, узоқ қишлоқларда ишлаши зарур. Шундай оғир шароитда фидойи бўлмаган раҳбар - хиёнатчи. Шу халқ учун ойлик олиб юрибсизлар. Давлат идораси вакили халққа қанча яқин бўлса, жойларда шунча натижа бўлади, адолат мезони таъминланади, - деди Шавкат Мирзиёев.
