Андижонда ўтган йилгига нисбатан 2 баробар кўп уйлар қурилаяпти. Бу ҳақда Андижонда бўлиб ўтаётган йиғилишда маълум қилинди.
Президент уй-жойга муҳтож оилаларни қўллаб-қувватлашнинг янги тизими жорий этилишини айтди. Унга кўра, вилоятда бу йил 6 минг 196 та уй қурилаётгани маълум қилинди. Бу эса ўз навбатида ўтган йилгига нисбатан 2 баробар кўп экани билдирилди. Шунингдек, вилоятда 819 та оилага субсидия ажратиш зарурлиги ҳам таъкидланди.
– Мени энг кўп ўйлантирадиган масала – ёшлар ва хотин-қизлар. Уларга эътибор, кўмак керак. Билими, қўлида касб-ҳунари бўлса, ҳаётда ўз ўрнини топиб кетади, дунёқараши ҳам бошқача бўлади. Ота-онаси, оиласи ҳам давлатдан рози бўлади, – деди Шавкат Мирзиёев.
Йиғилишда шунингдек, кейинчалик ёшларнинг бандлигини таъминлаш мақсадида, ўқувчиларни 7 синфдан қизиққан касбига йўналтириш бўйича кўрсатмалар берилди.
