Бугун Шавкат Мирзиёев Андижон шаҳри, Андижон, Хўжаобод, Булоқбоши ва Жалақудуқ туманларида яшовчи уй-жойга муҳтож оилаларга берилиши кўзда тутилган уйларнинг қурилишини кўздан кечирди.
Ушбу уйлар вилоятнинг Хўжаобод туманидаги Иттифоқ массивида қурилаяпти. Президент матбуот хизматининг хабар беришича, ушбу манзилда 35 та кўп қаватли уйлар ҳамда мактаб, тикувчилик цехи, спорт комплекси бунёд этилмоқда.
Президент қурилиш ишларидаги камчиликларни кўрсатиб ўтди. Шавкат Мирзиёев бундай ерларда уй қуриш янги тажриба эканини айтиб, халқаро стандартларга мос равишда, пишиқ ва сифатли қуриш кераклигини таъкидлади.
Шунингдек, аҳолига қулай траснпорт йўналишлари ташкил этиш бўйича ҳам топшириқ берилди. Шунинг билан Президентнинг Андижонга амалга оширган ташрифи якунига етди.
