Андижон вилоятининг Марҳамат туманида ҳоким ишдан олинди. Бу ҳақда Шавкат Мирзиёев бугун Андижонда бўлиб ўтган йиғилишда маълум қилган.
«Кеча Марҳамат туманининг ҳокимини ишдан олдим. Қолган секторлар раҳбарлари ҳам ишдан кетади.
Менга кун ўтса бўлди деб юрадиган ҳокимлар керак эмас. Менга таклиф берадиган ҳокимлар керак, изланиш қиладиган раҳбарлар керак», деди Шавкат Мирзиёев.
Президент йиғилишда туман ҳокимлари ишдан олинса қолган сектор раҳбарлари ҳам ишдан кетишини маълум қилган. Шунингдек, вилоят даражасида ҳам шундай бўлиши таъкидланган.
Шавкат Мирзиёев раҳбарларни тажрибасига қараб эмас, балки ёш бўлса ҳам ишига қараб баҳо берилишини айтган.
Кун нашрининг маълум қилишича, Шуҳратбек Қамчиев 2017 йилдан буён Марҳамат тумани ҳокими лавозимида ишлаб келган.
