“Сардоба” сув омбори иши бўйича икки кишига "қамоққа олиш" эҳтиёт чораси қўлланилди. Бу ҳақда Бош прокуратура хабар қилди.
Маълум бўлишича, ушбу иш бўйича очилган жиноят иши доирасида ҳозирда тергов ҳаракатлари олиб борилмоқда.
Гумонланувчи тариқасида икки нафар шахс ишга жалб қилинган ва уларга нисбатан "қамоққа олиш" эҳтиёт чораси қўлланилган.
Бош прокуратура иш бўйича ҳақиқатни аниқлашга тўсқинлик қилиш ҳолатларининг олдини олиш мақсадида бошқа тафсилотлар ошкор қилинмаслигини қўшимча қилди.
Ҳозирда тергов ҳаракатлари давом этмоқда.
