O'zLiDeP депутати Ўзбекистонда нефть ва нефть маҳсулотлари ишлаб чиқариш бўйича катта муаммолар борлигини айтди

O'zLiDeP депутати Ўзбекистонда нефть ва нефть маҳсулотлари ишлаб чиқариш бўйича катта муаммолар борлигини айтди
Олий Мажлис Қонунчилик палатасидаги O'zLiDeP фракцияси аъзоси Нодир Жумаев «Ўзбекнефтгаз»нинг айрим тайёр нефть маҳсулотлари импортига солинадиган акциз солиғи ставкаларини қайта кўриб чиқиш бўйича киритган таклифига муносабат билдирди.

"Бугун нефть ва нефть маҳсулотлари нархи хусусида турли фикр-мулоҳазалар билдирилмоқда. Хусусан, бензин импортига акциз солиғини 4 бараварга ошириш борасидаги хабар муҳокамалар марказида.

Хўш, «Ўзбекнефтгаз» нега айрим тайёр нефть маҳсулотларининг импортига солинадиган акциз солиғи ставкаларини қайта кўриб чиқишни сўрамоқда? Сабаб сифатида эса, нефтни қайта ишлаш заводларининг ишлаб чиқариш қувватини таъминлаш мақсадини кўрсатишади.

Биз Евроосиё иқтисодий иттифоқи ёки Жаҳон савдо ташкилоти билан ҳамкорлик қилиш масаласи хусусида бош қотираётган вақтимизда бу каби монополистик устунлик ҳақида гапиришнинг ўзи ноўрин.

Агар бизнинг нефть ва нефть маҳсулотларимиз нарх туфайли шу турдаги импорт маҳсулотлар билан рақобатга кириша олмаётган экан, демак, уларда ишлаб чиқариш бўйича катта муаммолар бор. Яъни бу турдаги маҳсулотларни ишлаб чиқариш бизга қимматга тушяпти. Давлатимиз раҳбарининг геолог кадрларга эҳтиёжнинг юқори экани ҳақида куюниб гапиргани мана шу вақтда ўз аҳамиятини кўрсатмоқда. Соҳа олий таълим тизими ва илмий-техник институтлар билан яқиндан ҳамкорлик олиб боришга муҳтож.

Ҳеч эътибор берганмисиз, жамоат транспортлари, қишлоқ хўжалиги маҳсулотлари ва бошқа иқтисодиёт тармоқларида нархлар кўтарилишига ёқилғи мойлаш маҳсулотларининг ошишини сабаб қилиб кўрсатади. Демак, соҳа харажатлар сметасини кўздан кечириб, рентабеллиги паст йўналишларни оптималлаштириш ёки фойда келтирувчи тармоққа айлантириш борасида изланишлар олиб бориши керак.

Умуман олганда қайси соҳа бўлмасин илм-фан, ақл марказлари билан яқиндан ҳамкорлик қилмас экан, нафақат дунё бозорида, балки ички бозорда ҳам ўз ўрнини йўқотишга маҳкум.

Энг муҳими, эриша олмаётганимиз бозор иқтисодиёти ва соғлом рақобат муҳитида ишлашни бошламас эканмиз, иқтисодий тараққиётга эришишимиз ортга сурилаверади.

Бугун давлатимиз раҳбари томонидан «монополиядан чиқариш, рақобатни таъминлаш, истеъмолчилар ҳуқуқларини ҳимоя қилиш бўйича якдил йўналишимиз бўлиши керак» дея таъкидланган сўзларнинг моҳиятини англаб олсак, ўйлаймизки халқимиз рози, ҳаётимиз фаровон бўлади", - дейди депутат.

Ўхшаш янгиликлар

  1. Malikov 1 июн 2020 17:41
    Ishlab chiqarish qimmatga tushayotgan bo'lsa bundan voz kechib import qilganimz ma'qul.

    Ishlab chiqarish qimmatga tushayotgan bo'lsa bundan voz kechib import qilganimz ma'qul.
  2. Равшонбек 1 июн 2020 01:38
    Нефт сестемасини расво килинди, НКИЗларга нимага керак биржа савдоларига аралашиб НКИЗни иши махсулотни тайёрлаб уз бохасида нефт базаларга етказиб беришку, барирам икки уртада истеъмолчи жабр куряпти, сабаб НКИЗлари ни клентлар билан ишлаб бошлагани. Буни кимдир урганиб чикса яхши буларди.

    Олдин ички бозор тартиб солиб куйиш керак, харким уз ишини килсинда. НКИЗларга махсулотни биржа савдолага куйишни тухтат. Уни учун нефт базалар мавжуд шу иш билан шугулланадинган 10 мингдан ортик одам ишлайди. НКИЗларидан биржа савдоларига куйилган ЁММларни тстеъмолчи
  3. Oybek 31 май 2020 22:30
    Муаммоларни соликни кутариш бн хал килинмаслиги керак, божни кутариб куйсез хам муаммолар шу туришда колади. Буни курдикку ахир 30 йилда хеч нарса килинмаган. Шу вактда неча маротоба модернизатция килса буларди. Нима килишди -осонгина А76 бензинни А80 деб номлашди.29 га кирган чакалокни мустакил кадам ташлашга вакти келган аллакачон.
  4. Соли 31 май 2020 13:00
    курук гап натижа ва ечим йук
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университетида Наврўз сайллари

Самарқанд давлат университетида Наврўз тантаналари эрта тонгдан бошланиб, байрам сайлларига уланиб кетди. Миллий куй-қўшиқлар, бетакрор...
20-03-2024, 10:14

Самарқанд давлат университетида “ХХI аср психологияси: муаммолар, ютуқлар, инновациялар” мавзусида халқаро конференция ўтказилди…

Халқаро психология фанлари академияси билан ҳамкорликда ўтказилган анжуманда Россия, Қозоғистон, Белоруссия, Озарбайжон давлатларидан 30 га...
16-03-2024, 08:15

Россиялик машҳур физик олим Самарқанд давлат университетида бўлди…

Самарқанд давлат университетига Россия Фанлар академиясининг академиги Владислав Хомич ташриф буюрди. Машҳур физик олим билан Самарқанд...
15-03-2024, 08:13

Самарқанд давлат университети Италиянинг Саленто университети билан ҳамкорлик қилади

Самарқанд давлат университетига Италиянинг Саленто университети ректори Фабио Поллисе бошчилигидаги делегация ташриф буюрди. Мартабали...
14-03-2024, 08:11

Ҳиндистонлик профессор Самарқанд давлат университетида фаолият кўрсатмоқда…

Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов ҳиндистонлик...
10-03-2024, 08:09
Ўзбекистон янгиликлари » Сиёсат » O'zLiDeP депутати Ўзбекистонда нефть ва нефть маҳсулотлари ишлаб чиқариш бўйича катта муаммолар борлигини айтди