Кеча, 3 июнь куни Президент Шавкат Мирзиёев раислигида ўтган йиғилишда оҳирги 10 кунда мамлакатда коронавирус билан касалланганлар сони кўпайиб бораётгани таъкидланди.
Шунингек, сўнгги 10 кунда 32 та чартер рейслар орқали 8 мингга яқин, чегара постлари орқали эса 20 мингдан ортиқ Ўзбекистон фуқаролари олиб келингани айтилди.
Шу билан бирга Ўзбекистонда 50 тага яқин шаҳар ва туманлар “қизил” ҳамда “сариқ” ҳудудлар экани қайд этилиб, бу ҳали хавф-хатар борлигидан даололат экани таъкидланди.
Йиғилишда Президент пандемия билан боғлиқ ҳолат дунёда мураккаблашиб бораётганига алоҳида тўхталди.
“Кўп олимлар, мутасаддиларни ўқисангиз куз билан қишда коронавирус тарқалишининг давоми бўлиши мумкин эканлиги тўғрисида гапиряпти. Улар бекорга гапирмаяпти. Биз ҳамма нарсага тайёр бўлишимиз керак. Бу қанча давом этади, ҳеч ким билмайди”, – деди Шавкат Мирзиёев.
Йиғилишда шунингдек, пандемия кўплаб соҳаларга зарар етказгани ҳақида ҳам тўхталиб ўтилди.
