Бугун Ўзбекистон Президенти Шавкат Мирзиёев Фарғона вилоятига борди. Ташриф давомида давлат раҳбари Фарғона туманидаги «Экокерама» масъулияти чекланган жамиятда яратилган имкониятлар билан танишди.
У ерда Президент Ўзбекистонда шунча имконият бўла туриб, сантехника товарларини четдан импорт қилинётганини гапирди.
“Шунча имконият бўла туриб, биз кимни боқяпмиз? Халқимизни боқсак бўлмайдими? Мамлакатимизнинг ҳар бир қарич ери, ҳар бир бойлиги аҳоли жон бошига даромадни кўпайтиришга хизмат қилиши керак”, – деди Шавкат Мирзиёев.
Маълум бўлишича, ушбу корхона йилига 500 минг дона 20 турдаги сантехника маҳсулотлари ишлаб чиқара олади. Президент тумандаги мазкур корхонани кластерга айлантириш кераклигини айтди.
