ЎзЛиДеП партияси раҳбари Актам Хаитов Андижонда ИИБ ходимларининг фуқарони қийноққа солганлиги юзасидан муносабат билдирди. Хаитовнинг муносабати партия матбуот хизмати томонидан эълон қилинди.
"Ижтимоий тармоқларда Андижонда ИИБ ходимлари томонидан руҳий ва жисмоний тайзиқ ўтказилиши натижасида гумондор фуқаро комага тушиб, охир-оқибат вафот этгани ҳақидаги хабарлар кенг муҳокамага сабаб бўлмоқда.
Ҳолат юзасидан Андижон шаҳар прокуратураси томонидан Жиноят кодексининг тегишли моддалари билан жиноят иши қўзғатилгани, ҳозирда жиноят иши бўйича прокуратура органлари томонидан дастлабки тергов ҳаракатлари олиб борилаётгани маълум қилинди.
Жамиятимизда албатта қонун устуворлиги таъминланиши керак. Келгусида бу каби ҳолатларнинг олдини олиш бўйича ҳам қонунийликни кучайтириш зарур.
Инсон қадрини топташга ҳеч кимнинг ҳаққи йўқ", - дейди партия раҳбари.
