«Ўзингизча уйда даволанманг» – Президент Шавкат Мирзиёев ўзбекистонликларга мурожаат қилди

«Ўзингизча уйда даволанманг» – Президент Шавкат Мирзиёев ўзбекистонликларга мурожаат қилди
Ўзбекистон Республикаси Президенти Шавкат Мирзиёев 8 июль куни видеоселектор йиғилиши аввалида коронавирус инфекциясига қарши кураш доирасида мамлакатимизда амалга оширилаётган ишларга алоҳида тўхталиб ўтди. Бу ҳақда Президент матбуот хизмати хабар қилди.

Давлатимиз раҳбари, жумладан, шундай деди:

- Барчамиз гувоҳи бўлиб турибмиз, афсуски, бутун дунёда коронавирус пандемияси давом этмоқда. Дунёнинг қатор мамлакатларида касалликнинг иккинчи тўлқини бошланаётгани барчамизда жиддий хавотир уйғотмоқда.

Бугунги ҳолат шуни кўрсатмоқдаки, ушбу инфекцияга қарши курашда қандайдир «сеҳрли рецептлар» ҳали йўқ.

Жаҳон ҳамжамияти, дунёдаги энг йирик илмий марказлар, энг кучли олимлар бу офатга даво топиш учун қаттиқ изланмоқда. Ва бундай тадқиқотлар тез орада ўзининг ижобий натижасини беради, деб умид қиламиз.

Ҳозирги кунда республикамизда касалликка чалинганлар сони 10 минг 982 нафарга, соғайганлар сони 6 минг 890 нафарга етди.

Тиббиёт ва санитария-эпидемиология ходимларининг касб малакаси ва жасорати, ҳуқуқ-тартибот идоралари ходимларининг фидойилиги, шунингдек, карантин давридаги қатъий интизом мамлакатимизда эпидемиологик вазиятни нисбатан барқарор сақлаш имконини бермоқда.

Лекин бу хотиржамликка берилиш, бу масалага енгил-елпи қараш учун асос бўлмаслиги керак.

Чунки июль ойининг биринчи ҳафтасида беморлар сони 2 минг 167 нафарга кўпайган. Шундан 1 минг 267 та (58%) ҳолат аҳоли орасида аниқланган.

Бу карантин давридаги энг юқори кўрсаткичдир. Афсуски, беморлар орасида ўлим сони ҳам ортиб бормоқда. Бу барчамизни жиддий ташвишга солиши шарт.

Биз мамлакатимизда коронавирус аниқланган кундан бошлаб қайта-қайта таъкидлаб келмоқдамиз: бу жуда мураккаб синов ва оғир кураш бўлади.

Бу курашда кўп нарса ўзимизга, ақл билан ҳаракатимизга, сабр-тоқатимизга темир интизом билан, қатъият ва жипсликда иш кўришимизга боғлиқ.

Лекин, минг афсуски, аҳоли ўртасида кўпчилик мана шу талабларга тўла амал қилмаяпти.

Айниқса, тиббий ниқоб тақмаслик ёки уни номига тақиш, санитария-гигиена қоидаларини бузиш, ўзаро қўл бериб кўришиш, ижтимоий масофани сақламаслик, заруратсиз оилавий тадбирларни ўтказиш ҳолатлари кун сайин кўпаймоқда.

Жойларда “яшил”, “сариқ” ва “қизил” ҳудуд тамойили тўлиқ ишламаяпти.

Биз бу борада аҳволни ўзгартириш учун аввало жамоатчилик назоратини кучайтиришимиз керак.

Юзага келган вазиятни ҳисобга олиб, Республика комиссияси вилоят, шаҳар, туманлар ҳокимлари ҳамда сектор раҳбарлари билан бирга пандемияни жиловлаш бўйича барча чораларни кўриши шарт.

Тегишли раҳбарлар ўзига бириктирилган ҳар бир вилоят кесимида аҳолининг белгиланган чекловларга қатъий амал қилиши ва карантин талаблари бажарилиши устидан, жойига чиққан ҳолда, назорат ўрнатсин.

Албатта, биз қўшни давлатларда маълум сабабларга кўра қолиб кетган Ўзбекистон фуқароларини мамлакатимизга қайтариш бўйича ҳам тегишли чора-тадбирларни кўрамиз.

Бироқ юртдошларимизга мурожаат қилиб яна бир бор таъкидламоқчиман: бутун дунёда минг-минглаб одамларнинг ўлимига сабаб бўлаётган бундай хатарли офатга асло бепарво ва енгил қараб бўлмайди.

Касалликнинг бирор-бир кичик белгисини ўзингизда сездингизми, дарҳол шифокорга мурожаат қилинг.

Ўзингизча уйда даволанманг. Бу оғир оқибатларга олиб келиши, ва ниҳоят ўлим билан тугаши мумкин.

Ўзингизга ва оила аъзоларингизга нисбатан бепарво ва бефарқ бўлманг!

Халқимиз, оиламиз ва фарзандларимиз саломатлиги ва ҳаёти биз учун энг улуғ бойлик экан, бу ўта муҳим масалада бефарқ бўлиб, карантин талабларини бузишга ҳеч кимнинг ҳаққи йўқ.

Буни ҳеч ким, аввало, барча раҳбар ва мутасаддилар ҳеч қачон унутмаслиги шарт.

Бугунги мураккаб вазиятда барчамиз “Ўз соғлиғингни, ўз болангни, ўз оилангни ўзинг асра!” деган шиорга амал қилиб яшашимиз шарт.

Айни вақтда ҳаётимизни нормал изга солиш, иқтисодиётимизни тиклаш учун пандемия шароитида яшаш ва меҳнат қилишга ўрганишимиз, барча эҳтиёт чораларини кўрган ҳолда, бу борада бошлаган ишларимизни темир интизом билан давом эттиришимиз керак.

Ўхшаш янгиликлар

  1. Адолат 9 июл 2020 07:47
    Бу́лдм тамом,бу карантин чекловлар йилгача тугамиди,хамма азоб жабрлар факат халк учун..Бу амалдорларга хокимларга хеч таъсири йу́к.Пули бор,иши бор
  2. Перида 8 июл 2020 21:13
    Президент уйде озлеринизше емленбен дейди, скорыйлар болса касал адам алып кетин деп жалынса да алып кетпей атыр. Вирустын таркалыуын енди корин...
  3. Жасур 8 июл 2020 20:47
    Хеч кимни уйда даволаниш нияти йук деб уйлайман, тез ёрдамга кунгирок килсанг истимаси булма боролмаймиз деб туришади. Айтингчи ушбу жавобдан кейин хаста одам нима килиши керак?!
Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Видео: Элдор Шомуродов заҳирадан майдонга тушиб иккита гол урди

Италиянинг Женоа клуби сафида тўп сураётган ҳамюртимиз дублга эришди. Маълум бўлишича, Италия А Сериясининг 37-турида Женоа Аталантани...
Бугун, 00:17

Маҳаллий ОТМда ўқишни истамётган тошкентлик битирувчилар сони маълум қилинди

Бу йил Тошкентда 29 мингдан ортиқ ўқувчи 11-синфни тамомлайди, дея хабар қилди Дарё нашри. Маълум бўлишича, битирувчиларнинг 24 мингдан...
Кеча, 15:04

Тошкент ҳокими Президент билан учрашувда янгича солиқ жорий этишни таклиф қилди

Аввал хабар қилганимиздек давлатимиз раҳбари кеча, 14 май куни Учтепа туманидаги Тепақўрғон маҳалласига борди. Шу ерда ҳокимлар билан...
Кеча, 14:37
1

Россияда жиноий гуруҳ тузиб, босқинчилик содир этган ўзбекистонликлар суд қилинади

Россиянинг Приморе ўлкасида 4 нафар ўзбекистонлик суд қилинади. Бу ҳақда Россия ҳуқуқ тартибот органлари хабар қилди. Маълум бўлишича, 2...
Кеча, 14:20
1

Видео: Тошкентда Президент билан учрашган йигит кутилмаган илтимос билан чиқди

Шу йил 14 май куни давлатимиз раҳбари Шавкат Мирзиёев пойтахтнинг Учтепа туманига борди. Бу ҳақда Президент матбуот хизмати хабар қилди....
Кеча, 14:04
2
Ўзбекистон янгиликлари » Сиёсат » «Ўзингизча уйда даволанманг» – Президент Шавкат Мирзиёев ўзбекистонликларга мурожаат қилди