Спикер ўринбосари Навоийда томорқа хизмати кластери ташкил қилиш ишлари билан танишди

Спикер ўринбосари Навоийда томорқа хизмати кластери ташкил қилиш ишлари билан танишди
Коронавирус пандемияси даврида томорқа ерларидан самарали фойдаланиш, «Томорқа хизмати» МЧЖ моддий-техника базасини мустаҳкамлаш ҳамда маҳсулотларни экспорт қилиш имкониятларини янада кўпайтириш устувор вазифа этиб белгиланди. Негаки, ҳамма вақт тириклик манбаи бўлиб келган ердан оқилона фойдаланиш қишлоқ хўжалигини барқарор ривожлантиришнинг зарурий шарти, фаровон ҳаётимизнинг мустаҳкам пойдеворидир.

Давлатимиз раҳбарининг жорий йил 30 июндаги «Аҳоли томорқаларидан фойдаланиш самарадорлигини оширишнинг қўшимча чора-тадбирлари тўғрисида»ги қарори одамларнинг ўз томорқасидан даромад топиш манбаларини кенгайтириш, уларга кўпроқ қулайликлар яратишда муҳим ҳуқуқий асос бўлди. Айни пайтда мазкур қарор ижросини таъминлаш бўйича жойларда кенг кўламли ишлар олиб борилмоқда.

Олий Мажлис Қонунчилик палатаси Спикери ўринбосари, OʼzLiDeP фракцияси раҳбари Актам Ҳаитов Навоий вилоятидаги учрашуви давомида одамларнинг ўз томорқасидан даромад топиш манбаларини кенгайтириш, уларга кўпроқ қулайликлар яратиш борасида олиб борилаётган ишлар билан бирга, мазкур ҳужжатнинг жойлардаги ижросини ҳам ўрганди.

Маълумки, жорий йилда республика бўйича 25 та томорқа хизмати кластери ташкил қилиш режалаштирилган. Навоий вилоятининг Кармана тумани ана шу туманлардан бири.

Айни памда бу ерда хонадон шароитида 2 сотих ер майдонида Франциянинг интенсив зотдор куркаси кўпайтирилиб хонадонларга тарқатилмоқда. Бу ерда 8 тонна балиқ етиштирилгани йиғилганлар эътиборини тортди. Зеро, бу паррандалар 20-25 килограммгача гўшт беради.

Спикер ўринбосарининг учрашуви жараёнларида янги ташаббуслар қанот ёзди. Хусусан, ярим гектарли кўчатчилик иссиқхонаси, 209 тонналик музлаткичли омбор, мева сабзавотларни қуритиш цехи ва бошқа аҳолига хизмат қилувчи тизимлар ташкиллаштирилиши режалаштирилди.

Эндиликда бундай корхоналарнинг ўз ер майдонларига эга бўлиши кўчатчиликка ихтисослашган 20-30 сотихли иссиқхоналар қуриб, уларда кафолатланган кўчат етиштириш ва аҳоли хонадонларига етказиб бериш имкониятини яратади.

Маълумот ўрнида айтиш жоизки, 2018 йилда томорқа хизмати кластерлари 128 та, 2019 йилда 244 тани ташкил қилган бўлса, жорий йилда мазкур кўрсаткич 314 тага ортиши белгиланган.

–Мазкур лойиҳа қиймати 165 миллиард сўмни ташкил қилиб, бу кластерлар “Томорқа хизмати” МЧЖлар негизида бунёд этилади, – деди А.Ҳаитов. – Ўз маблағи 63 миллиард сўмдан иборат бўлса, Фермерлар кенгаши ҳузуридаги жамғармадан 102 миллиард сўм маблағ ажратилиши белгиланган. Масалан, 7,5 миллиард сўм маблағ эвазига барпо бўлган битта томорқа хизмати кластери 10-12 мингта хонадонни қамраб олади. 35 та иш ўрни яратилиши билан 500-600 доллар даромад олинадиган йиллик экспорт йўлга қўйилади.

Спикер ўринбосари шу ерда аҳоли билан суҳбатлашиб, уларга давлатимиз раҳбарининг қарори мазмун-моҳиятини тушунтирди. Ўз навбатида, фуқароларга ҳар бир ишни эҳтиёткорлик билан, карантин қоидаларига риоя қилган ҳолда бажариш лозимлигини таъкидлади.

Олий Мажлис Қонунчилик палатаси Спикери ўринбосари, OʼzLiDeP фракцияси раҳбари А.Ҳаитовнинг жойлардаги учрашувлари давом этмоқда.

O'zLiDeP матбуот хизмати

Ўхшаш янгиликлар

Янгиликка фикр ёзиш чоп этилган кундан 30 кун ичида мумкин.

Сўнгги янгиликлар

Самарқанд давлат университети Эроннинг Шараф технология университети билан ҳамкорлик меморандумини имзолади…

Самарқанд давлат университетига Эроннинг Халқаро илмий-техникавий ҳамкорлик маркази раиси, фан, технологиялар ва билимларга асосланган...
28-06-2024, 15:25

Самарқанд давлат университети академик лицейи битирувчиларига диплом топширилди…

Самарқанд давлат университети академик лицейи битирувчилари учун “Янги Ўзбекистон ёшлари, билиб қўйки, сени Ватан кутади” номли битирув...
21-06-2024, 23:17

Ўзбекистоннинг Очиқ илм-фан концепцияси

Президентимиз Шавкат Мирзиёев томонидан асос солинган Очиқлик сиёсатининг мамлакат тараққиётида, миллат юксалишида тутган муҳим ўрни ва...
21-06-2024, 16:49

Самарқанд давлат университетида Япониянинг Тоттори университети ваколатхонаси очилди…

2023 йил 15-16 февраль кунлари Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам...
14-06-2024, 23:29

Самарқанд давлат университети Тожикистон педагогика институти билан ҳамкорлик қилади…

Самарқанд давлат университетига Тожикистон педагогика институти ректори, профессор Ансорий Муаззамхон Қудратзода бошчилигидаги делегация...
12-06-2024, 09:19
Ўзбекистон янгиликлари » Сиёсат » Спикер ўринбосари Навоийда томорқа хизмати кластери ташкил қилиш ишлари билан танишди