Ўзбекистонда поликлиника ва ҚВПлар 24 соатлик иш режимига ўтказилмагани танқид қилинди

20-07-2020, 11:25
Сиёсат
Ўзбекистонда поликлиника ва ҚВПлар 24 соатлик иш режимига ўтказилмагани танқид қилинди
Бугун, 20 июль куни Президент Шавкат Мирзиёев раислигида видеоселектор йиғилиши бўлиб ўтди.

Йиғилишда Ўзбекистонда поликлиникалар ҳамда ҚВПларнинг имкониятидан фойдаланилмаётганлиги танқид қилинди. Бу ҳақда президент матбуот хизмати ахбротида маълум қилинган.

"Бирламчи тиббиёт бўғини, яъни оилавий поликлиникалар ва қишлоқ врачлик пунктлари аҳолига ёрдам бериш учун 24 соатлик иш режимига ўтказилмаган.

Тошкент шаҳридаги 11 та туман кўп тармоқли марказий ва 64 та оилавий поликиникада ҳар бирида 50 дан 200 нафаргача тиббиёт ходими мавжуд бўлса-да, уларнинг аксарияти куннинг фақат биринчи ярмида беморларни қабул қилишади.

Ҳар бир поликлиникада COVID-19 инфекциясининг енгил ёки симптомсиз кечаётган беморларга консультатив ёрдам кўрсатиш учун шакллантирилган 3 та шифокордан иборат махсус мобил бригада бириктирилган бўлиши керак, аммо айрим бригадаларда умуман врач йўқ.

Деярли барча поликлиникаларда рентген-диагностика кабинетлари мавжуд, лекин уларнинг имкониятларидан умуман фойдаланилмаяпти.

Агар ушбу поликлиникалар аҳолини самарали патронаж хизматини амалга оширса, табиийки, 103 рақамли тез тиббий ёрдамга босим қисқаради ва аҳоли орасида саросима юзага келишининг олди олинади.

Бош вазир ўринбосари Беҳзод Мусаев ва Соғлиқни сақлаш вазирлигига пойтахтдаги 75 та поликиниканинг имкониятларини, ушбу муассасаларда фаолият олиб бораётган 3 мингдан ортиқ шифокор ва ҳамширани инфекциянинг енгил ва симптомсиз кечаётган беморларга хизмат кўрсатишга 24 соатлик узлуксиз режимда тўлиқ сафарбар қилиш топшириғи берилди.

Шунингдек ушбу фаолиятга жалб қилинаётган шифокор ва ҳамширалар меҳнатини рағбатлантириш механизмларини ишлаб чиқиш вазифаси юклатилди", - дейилади матбуот хизмати ахборотида.
ТЕЛЕГРАМДАГИ КАНАЛИМИЗ: https://t.me/EVERYDAY_uz

Фикрлар:
Дилфуза 20 июл 2020 12:01
Яхши кадам бупти. Факат Нима учун хамма нарсани Президент этиб туриши керак шуни хеч тушунмайман. Соха вакилларини узини сохаси буйича умуман салохияти, иктидори йукми. Мудраб юрмасдан зарур чораларни куриш кулидан кемидими. Президент хам юзлаб сохага югуруриб чарчаб кетди,шифокорга ойлик кушса вактида бермаса, ижтимоий мухтожга пул ажратила дейилса хокимият органларидаги айрим муттахамлар жигилдонига урса. Аммо сидкидилдан хизмат килаетган барча инсонларга Рахмат. Колганларга аллох инсоф берсин.
Нодир 20 июл 2020 13:15
24 соат сафарбар этилаётган врач ва хамширага Мехнат кодекси талабига кура хар бир ортикча вакт ишлагани учун устама иш хак микдори кушилган иш хаки тулаш лозим. Мана битта хамшира опамиз вафот этибдилар, хокимият хамдардлик билдиряпти. Агар вафот этган оиласининг ягона бокувчиси булсачи хамдардлик билдириб тураверишадими?
Мумин 21 июл 2020 09:54
Қишлоқлардаги ҚОП ва ҚВПларда тез ёрдам шохобчаси бор.Навбатчилик уларга юклатилиб бечора 103 ни нагрузкаси яна кўпаяр эканда.Қилинган жойларда ҳам бир икки кун кейин яна скорий балогардон.

МУНОСАБАТ БИЛДИРИШ

Сўнгги янгиликлар

"Ўзга сайёралик"лар билан суҳбатлашганини айтган Жуманазар ака вафот этди

"Ўзга сайёралик"лар билан суҳбатлашганини айтган Жуманазар ака вафот этди. Бу ҳақда телеграм каналларда хабарлар...
Бугун, 12:41

“Фақат шу кунларда, бунақа шароитда олиб кетма, деб дуо қилдим” – Юлдуз Усмонова касал бўлгани ҳақида

Хонанда Юлдуз Усмонова унда бронхиал астмаси қўзигани ҳақида айтиб берди. Усмонова иситмаси кўтарилгани ва ўзини ёмон...
Бугун, 12:05

Андижонда 18 ёшли ўсмир севган қизига “гап отган” 30 ёшли эркакни темир билан уриб, ўлдириб қўйди

Андижонда 18 ёшли ўсмир севган қизига “гап отган” 30 ёшли эркакни темир билан уриб ўлдириб, қўйди. Бу ҳақда ҳуқуқ...
Бугун, 11:46

Президентимиз совғаларидан барча миннатдор!

Юртбошимизнинг қутлуғ айём – Қурбон ҳайити байрами куни олдидан ҳеч бир эҳтиёжманд оила эътибордан четда қолмаслиги,...
Бугун, 10:47

Ўзбекистонда коронавирус билан касалланганлар сони ошишда давом этмоқда

Ўзбекистонда коронавирус билан касалланганлар сони ошишда давом этмоқда. Бугун яна 249 кишида коронавирус аниқланиб,...
Бугун, 10:29
/ Муҳокамалар +1