Ўзбекистонда амалдаги карантин чекловлари узайтирилади. Бу ҳақда бугун Президент Шавкат Мирзиёев раислигида ўтказилган йиғилишда маълум қилинди.
Президент матбуот хизматининг хабар қилишича, касаллик юқтирилишининг олдини олиш, ўлим ҳолатларини кескин камайтириш мақсадида Республика махсус комиссиясининг амалдаги карантин чекловларини узайтириш таклифига розилик билдирилди.
"Бунда “Пандемияга қарши кураш – ҳар биримизнинг виждон ишимиз”, “Ўзим, оилам, фарзандларим соғлиғи учун аввало ўзим жавобгарман”, деган фикрларни халқимиз онгига чуқур сингдириш ва амалий ҳаёт мезонига айлантириш лозимлиги таъкидланди", дейилади матбуот хизмати ахборотида.
